《侏羅紀世界》上映前我都唔睇好，不過點講都好真係童年回憶，即時試過第二三集嘅中伏，都係要感受下嘅，睇完真係覺得好難頂。（以下內容劇透）
－CG假到痴咗線，境係假嘅恐龍係假嘅，坐住透明球睇恐龍真係恐怖到世界級，打機仲靚過佢。餵鯊魚又係，幾條速龍近景又係冇眼睇...點解廿年前嘅第一集可以咁真，果時三角龍訓係度一幕真係細緻像真好多.呢集個男主角摸隻就死嘅雷龍個頭都假假地...今次真係CG界大佬Industrial Light and Magic嘅一大失敗之作
－都費事計點解女主角隻高踭鞋咁勁，我完全睇唔到呢個角色係到做乜有乜用，個角色太多計算，preset為咗公司乜都得家人都唔理又自私->經過危機變勇士，太老土啦。最後放隻暴龍出來都唔知有冇腦，當你暴龍ko變種龍，控制唔返隻暴龍咪又係死....
－幾個主角係度同條龍大戰都唔知做乜，人人都走晒，有乜誘因/責任要做完全無把握嘅勇士。唔知點解我都估到係條大水龍ko變種龍...但點解佢可以無啦啦飛上嚟....如果佢平時都無啦啦飛上嚟咪死...如果講個女主角去整條鯊魚過去變種龍果邊就一切合理好多
－睇呢套戲其實主要睇Chris Pratt講真，不過我覺得佢唔夠出，出場仲短過2個小朋友咁。一開始講佢係馴龍師，之後要講佢幫手渣槍打龍又話佢當過兵，為咗塑造萬能英雄推進劇情任佢噏。男主角同女主角共患難都唔知有冇一日，就唔知因乜kiss，理解唔到好無謂。
－好多劇情支節破碎無意義，除咗上面講男女主角感情線無謂，仲有阿哥有條女好黐身但係又不停汲女，後面又唔見有咩關事，又話佢哋老豆老母離婚定點，阿媽返工講電話又喊晒，全部唔出現都對套戲無影響
鬧完一輪，讚下control centre個男人，係舊侏羅紀公園一個懷念嘅代表。佢對《侏羅紀公園》嘅愛，擺放嘅恐龍公仔，著《侏羅紀公園》Tee，最後好似船長咁做最後一個留低守護自己嘅地方，係入場觀眾既一種投射，份外易投入佢嘅想法。
叫我望住啲假恐龍，即時狂播首主題曲加吉普車，都係好難投入...
Jurassic Park theme song： https://www.youtube.com/watch?v=D8zlUUrFK-M
－－－－－－－－－－－－－－
