Avengers1可以好清晰咁以交代英雄們如何集結為主線，今次我真係唔知佢想點，佢好似有幾十萬條線想講，搞到每樣講得少少，唔深刻同埋表達唔到，當然得唔到佢要嘅效果，以下係好多可以挑剔位：
－如果佢想講清楚Ultron個種人工智能禍害，就應該再focus啲，唔好加太多下面提到嘅輔助線。睇之前訪問，覺得佢好想令人工智能主題鮮明，但真係達唔到Terminator個啲警世作用，反而相關文戲顯得好悶好突兀。
－可能導演發現鷹眼其實好廢，咁就加多啲戲俾佢，要佢做好男人同社工。無啦啦講鷹眼係有妻兒，我睇唔出帶住條team返屋企係有乜意思，應該只係俾佢最後有機會愛回家一家大細好似好感人。講開佢老婆，佢老婆真係看透世事，第一次見老公啲隊友已經睇出晒有咩問題同埋佢老公無鬼用，直情可以做神盾局局長。
－好難接受無啦啦變形俠醫同黑寡婦搞埋一齊，黑寡婦周圍溝仔係冇錯喎，hawkeye...ironman...captain...hulk....係得thor暫時絕緣，講到尾其實又係要加條線好似好有情感，又分散咗人工智能個條線，又要講hulk覺得自己係怪物控制唔到自己而走佬實質Marvel要佢淡出個系列，嘥鬼氣控制唔到都係得個次完全無說服力
－ironman今次應該被刻意淡化，冇乜用，只係飛來飛去唔知做乜，其實可能係好嘅留返啲篇幅比其他地方，不過其他都一團糟嘅時候我寧願睇返ironman串下咀笑下好過。仲有，有冇人記得ironman3最後，講到佢又話累又話剩整走咗心口嘅能量裝置，點知，來到avengers2完全無講佢點解又做返ironman，打完晒最後又話要抖下...又要俾佢呃多次
－神盾局長Fury（係Agent of SHIELD已經交咗局長個位俾Agent Coulson），係美國隊長2扮晒死扮晒失蹤，今次浩浩蕩蕩走反出來...浩浩蕩蕩嘅方式係揸隻航空母艦出來仲勁過美國總統，虧佢之前講到神盾局咁落難全部唔理。
整體黎講，就係無戲味又冇趣味，成套戲我都係得兩個位覺得好，就係一開始果下連鏡，雖然無第一集嘅連鏡咁正不過都好好，可惜我覺得成套片嘅色調太暗好多嘢睇唔清楚，第二個位係佢哋比試拎起雷神個鎚個段，係好有趣又反映咗一啲嘢。其他，算吧啦。開始就想入正題講個故事，點知講講下又講其他，樣樣都消化唔晒只係覺得混亂。
===================================================
avengers1可以好清晰咁以交代英雄們如何集結為主線，今次我真係唔知佢想點，佢好似有幾十萬條線想講，搞到每樣講得少少，唔深刻同埋表達唔到，當然得唔到佢要嘅效果，以下係好多可以挑剔位：
－如果佢想講清楚Ultron個種人工智能禍害，就應該再focus啲，唔好加太多下面提到嘅輔助線。睇之前訪問，覺得佢好想令人工智能主題鮮明，但真係達唔到Terminator個啲警世作用，反而相關文戲顯得好悶好突兀。
－可能導演發現鷹眼其實好廢，咁就加多啲戲俾佢，要佢做好男人同社工。無啦啦講鷹眼係有妻兒，我睇唔出帶住條team返屋企係有乜意思，應該只係俾佢最後有機會愛回家一家大細好似好感人。講開佢老婆，佢老婆真係看透世事，第一次見老公啲隊友已經睇出晒有咩問題同埋佢老公無鬼用，直情可以做神盾局局長。
－同一時間，雷神飛走咗去追夢....之後點知去咗搵個神池沖涼，我又唔明點解佢作為諸神之王連個發夢池係邊都唔知要去問個博士，好啦沖完個涼佢又看透世事，講真佢沖涼果時見到啲畫面，我作為觀眾完全唔知代表咩，好似導演都唔係好知點樣表達就求其加啲CG落去閃閃下就當交代咗
－好難接受無啦啦變形俠醫同黑寡婦搞埋一齊，兩個人係度互問沖左涼未想一齊沖真係想又無聊又想嘔。黑寡婦成日都周圍溝仔，hawkeye...ironman...captain...hulk....係得thor暫時絕緣，講到尾其實又係要加條線好似好有情感，但又分散咗人工智能個主題，又要講hulk覺得自己係怪物控制唔到自己而走佬實質Marvel要佢淡出個系列，嘥鬼氣控制唔到都係得個次完全無說服力
－ironman今次應該被刻意淡化，冇乜用，只係飛來飛去唔知做乜，其實可能係好嘅留返啲篇幅比其他地方，不過其他都一團糟嘅時候我寧願睇返ironman串下咀笑下好過。仲有，有冇人記得ironman3最後，講到佢又話累又話剩整走咗心口嘅能量裝置，點知，來到avengers2完全無講佢點解又做返ironman，打完晒最後又話要抖下...又要俾佢呃多次
－神盾局長Fury（係Agent of SHIELD已經交咗局長個位俾Agent Coulson），係美國隊長2扮晒死扮晒失蹤，今次浩浩蕩蕩走反出來...浩浩蕩蕩嘅方式係揸隻航空母艦出來仲勁過美國總統，虧佢之前講到神盾局咁落難全部唔理。
－兩兄妹既加入，睇唔出太大意思。QuickSilver全程冇乜講野，淨係掛住同Scarlet
Witch攬埋一齊，個feel唔似家人而係似愛人咁曖昧。佢地好似低能仔，有個機械人走出黎冇乜諗過就跟佢搵食，轉個頭就發現好有問題玩背叛，騎牆轉軚速度驚人。Scarlet
Witch作用都好似高少少，玩幻術令到分化班主角，但結果又係唔夠時間鋪排令夢境顯得表面突兀，無法令套戲層次昇華反而如前文所講係越搞越亂。
－奸角Ultron，佢一生出黎已經係奸都幾搞笑，形像由頭到尾都係電腦CG造出黎好難令人投入，亦相信唔會有觀眾感受到佢個種想為世界好但用錯方法既悲劇而同情佢。一開始講佢可以經互聯網走到任何地方我心諗都好似幾勁幾期待，點知轉頭就話有人(Vision)已經係背後斷左佢網最難搞既危機已經解除，真係只係口講兩句話，會唔會求其左啲。最後既boss，只係數量比較多，而識飛，同埋佈左個天空之城局咁解，廢到爆，我又係緊張唔到。
整體黎講，就係無戲味又冇趣味，成套戲我都係得兩個位覺得好，就係一開始果下連鏡快打，雖然無第一集嘅連鏡咁正不過都好好，可惜成套片打得太快同埋色調較暗好多嘢睇唔清楚，第二個位係佢哋比試拎起雷神個鎚個段，係好有趣又反映咗一啲嘢。其他，算吧啦。開始就想入正題講個故事，點知講講下又講其他，樣樣都消化唔晒只係覺得混亂。打得又唔係超好睇，其實，整架超級航空武艦出黎同埋個地飛起唔會令氣氛更緊張高漲同埋勁左，係人都知係假係電腦好無真實感。
65分
－－－－－－－－－－－－－－
░電影資訊 ░獨家影評 ░幕後製作 ░戲院優惠
