【#Nj評::〈孤城淚〉】港人感同身受... 細路仔唔係好恰

個名改成咁，以為又係喊苦喊忽社會慘況大雜燴文藝片。唔係！有清晰吸引的故事線，黑警、黑社會、街童、政府人員、宗教代表之間有強烈明確的火爆衝突。頭40分鐘介紹人物於龍蛇混雜的巴黎近郊地區生存法則，不沉悶兼夠血肉皆因導演確實在此長大，他把這些由細到大感受到的不平等、地下秩序組織成最簡單易明的故事讓世界看見。




後一小時真正黎料，奇情小獅子盜竊案引發多方較勁，氣氛持續緊張。當中有人濫權，有人亂用暴力，有人群起反抗，有人意外地掌握證據惹禍，有人身不由己妥協，一件小事看出社會運作潛規則，作為飽經政治強姦的香港人肯定睇得投入。當你以為完結，原來只係開始。終極收尾剛好把整部戲氣氛再推上一層，衝突程度節奏壓力達至頂峰。無話誰正誰負，人人都為生存，有病的社會自然育成有問題的人，惡魔誕生非無因。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈喋血戰士〉】打得靚打得勁... 可惜生不逢時

〈喋血戰士〉真係慘，上映3天就腰斬，差點成為細細個就聽到佢個名、從來無睇過但其實又上咗嘅傳說級電影。點解我經常想推人去睇呢套戲，因為其實幾有驚喜，同期又無類似片種，入場去爽下都幾唔錯。


我從不喜歡Vin Diesel串串貢，要講套戲的賣點演員方面一定是女主角，好靚女又型，加上佢角色在故事不算花瓶，淨睇佢都開心。而故事其實OK，當然算係漫畫系列第一部，世界觀沒有太大描寫，但主攻反英雄主角方面有足夠交代。

睇trailer我絕不睇好，因為睇落好多室內搭景，個觀感好狹窄，一睇就知是無乜錢B級片咁。不過套戲雖然故事偏細，但以純講主角成魔來講足夠，加上於故事設計上玩loop來loop去重生，場景人物都可環保重用又大減成本。錢放返落幾場大戰，絕不失禮，估唔到打得咁靚打得咁勁。一個搞開CG的導演，在自己專長上做得好是理所當然，故事亦拍得暢順兼小巧精煉，絕對收貨。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈魔髮精靈：唱遊大世界〉】音樂流派包裝種族鬥爭

開頭連續10分鐘都接近冇故事瘋狂起舞唱歌，好笑又開心。冇睇過上一集比較唔到，不過應該唔會叫人失望，角色設定以及世界觀都極具創意。
.
故仔雖然又係講細路都覺老土的和而不同道理，但用音樂發展史中不同流派分支去包裝故事中的種族鬥爭其實好有趣，呈現了活生生的文化現象。
.
作為一部以愛音樂為主題的電影，不同種類、時代的樂曲特色於故事中透過用心塑造角色造型、對白、行徑去表達，又反映樂迷之間互相抗拒，這些只有成年人先有能力去理解。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈無痛斷捨離〉】睇到好想快啲返屋企執屋

〈無痛斷捨離〉極度慢，慢到可以兩倍速睇，唔好意思這樣說對創作人有少少不尊重。電影思想sell簡約，估唔到連故事情節都同樣簡約，兩條線演兩小時，其實都幾免強。

.

前男友一段雖然可以再豐富一點，也還好，媽媽與走佬爸爸一段交代得有點求其。

.

我佩服，連執屋都拍到一套戲，所以電影拍多幾千年都不愁無題材。舊物憶起舊人舊事，是個好開端，不過太慢太平淡，我享受不了。而泰文，真係好難聽… 睇完套戲我唯一得著，是趕快回家執屋，對沒有感覺的舊物講聲多謝然後送去堆田區。

.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈對不起，錯過你〉】生存與家人關係之間取捨

假如你不害怕疫情下進戲院睇戲，又嫌套套大片延期冇戲好睇，請俾一個機會《對不起，錯過你》。好明顯呢套戲走寫實風，好難話令你心跳加速，但相信你稍為與社會脈搏同步應該都會有所感覺。無驚險情節，無風格化對白，無動作特技，但我無訓著覺呀，口罩毒氣底下無窒息呢個好緊要呀，因為真係好好睇。
.
有時用『平實』呢兩個字去形容一套戲，其實係自己覺得無乜好睇冇乜感覺，但又唔想踩兩腳就會咁講。但今次嘅平實就真係事件非常生活化，雖然生活地域不同但就好像總很容易找到身邊的人有相似處境，拍攝的鏡頭表達亦很平面、色彩沒很艷麗。觀眾像化身隱形人觀察主角一家脆弱地相處，在生存與家人關係之間取捨，反而非常真實立體。




故事簡單，但帶來很多內容。一家四口人少少，每人在自己崗位掙扎著，痛苦之中有時又有小甜小趣，充滿複雜且有心思的設計。老豆冇工開乜都做過，唯有去做速遞員多勞多得手停口停。阿媽四圍走做看護，有愛心有責任心，成全老公買車自僱，自己架車都賣埋唯有自己辛苦啲。阿仔成日逃學唔讀書，屋企無錢都要買要偷噴漆作畫，老豆接受唔到，阿媽就日日做和事佬。阿女算生性，但日日睇住家嘈屋閉好唔開心。
.
故事要講嘅就係，為咗家庭為左生活落力返工，但偏偏返呢份工放棄了家人放棄了自己。熟悉吧，奴性重的香港人。我哋都叫有得揀，唔做咁辛苦可能都勉強夠生活可以有少少享樂時間。故事主人翁似乎無得揀，唔做就真係玩完，可以點... 可以做嘅都做盡，睇住情況差落去都無力挽回先最痛苦。結尾收得好，沒完沒了，倍感無奈。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【#Nj評::〈4x4瘋鎖〉】睇下主角被虐待當係狗咁撚幾正

格局好細，玩特定惡劣處境去吸引人睇下會發生啲咩事
其實ok嘅套戲，係單調但都冇悶親我
估唔到咁快入局，開場2分鐘主角已經被鎖咗在車內
通常要氹下波鐘，講返廿分鐘廢話先，估唔到咁猴擒
其實咁快節奏都算好大膽
即係話導演編劇要預備好多嘢畀觀眾睇
之後10分鐘，已經演齊我想像中主角在車廂裡面可以做嘅嘢
拆得嘅都拆晒，又除衫又著衫又飲尿又飲霧水
觀眾可以獵奇的情節基本上都好快睇完
之後靠與怪醫隔空對談支撐，內容唔算話特別勁
有啲意識想講，不過遠遠未到話發人深省，所以都無認真對待

不過睇下主角俾條友虐待當係狗咁撚呢方面幾正
個氣氛都越來越好，主角一支公做戲個慘樣又係值得讚
有幕影佢餓到食紙，靜態長鏡放紙入口慢慢趙到好似真係吞咗
睇見真係有啲覺得喉嚨啃下啃下
仲有啲畫面嘅顏色美術方面其實唔錯
明白到長時間影住車廂裏面肯定俾人覺得沉悶
好多細節上安排去令個畫面更精彩豐富
睇下海報設計你就明
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【#Nj評::〈倖存者〉】戰爭場面絕不失禮

當30萬忠誠勇毅支持者視年輕是罪，《倖存者》要觀眾記得青年人的貢獻。電影的意念是善良的，讓人不要忘記這一群由始至終被當作condom的後生仔，他們有的跟朋友參軍，有的真心抱著打敗敵人的心，有的更是現代版花木蘭代家人從軍。幾位獲重點描寫的新力軍，在角色設定上富有劇力，可塑性很高。不過似乎安排欠妥當，用了接近半部電影的時間才能夠把他們的背景及樣貌分辨清楚。可幸電影在初頭很快便進入戰爭狀態，雖然規模難以跟荷里活大片媲美，不過一樣見到搶灘、佔高地等驚險場面，子彈橫飛、戰壕肉搏，拍得緊張好看。

.
電影去到中段似乎失去焦點，戰事中段只描述他們行行企企等運到。導演編劇沒有做好為末段終極一戰而讓人焦急的安排，節奏上的平衡有改善空間。在這段氣氛比較平伏的時間，開展了各角色背景及個人故事。比較悶，很韓式，不能夠話無價值或難看，只是如果把這些Men's talk好好分布加插在主線劇情肯定會讓人看得更舒服。當然，經過整個角色間交流過程，我們對他們的投入感大增，後來某些新兵犧牲也讓人看得特別悲傷。



宏觀整體，電影拍得還不錯，應該滿足到大部份人，有緊張刺激，有感人熱血，就是時間控制上可定得更準確。像尾段北韓反擊戰來得太快，浪費了藉此為氣氛作鋪墊的機會。而Megan Fox飾演的記者角色，其實可以話完全無關主線，與年輕軍隊同幕出場機會都無。以故事完整度去評價可以話多此一舉，但以歷史面向理解這位關心無名小戰士的記者角色就有存在的意義。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】