【#Nj評::〈黑魔后2〉】真・變種特攻

我都講過啦，無睇過首集黑魔后，所以無得拎來跟今集比。無期望下，覺得都OK，介紹俾老豆老母睇，佢地都覺得幾好。
.
故事，就真係好一般喇講真，甚至係甩皮甩骨求其串連。無啦啦講黑魔后仲有班同鄉，又話佢係鳳凰之傳人。真係講兩句就完，原來想鋪黑魔后係變種特攻，在危急關頭會出鳳凰之力… 佢係名副其實嘅黑鳳凰！！！
.
然後打完交，死咗幾百人咁啦，竟然即刻搞浪漫婚禮！？算啦我抱住童話故事去睇，其實真係唔需要太認真嘅。始終兒童導向，要講下道理說下教，開開心心最緊要。有啲位笑下（唔多），畫面又幾靚設計上幾有心思，最後大戰又幾壯觀，咁就ok了。畫面上都真係花了不少心機，一開頭超級童話的CG長鏡頭，幾令人投入到個世界。蘑菇仔其實幾得意，超音鼠反而不可愛，樹人好似groot。大戰雖然求其搵個理由展開，但周圍爆紅粉放煙花又幾有美感。唔同角色都有份參與其中，跟住都唔算係坐埋一二邊有諗下計仔突圍。
.
至於演員，Angelina Jolie就真係完美融入個角色，化妝同特技都幫到好多手。但想講Elle Fanning更多，我發現迷上了這位21歲的女演員。一路睇覺得佢好熟面口，之後查返先知係早兩日看完Woody Allen《A Rainy day in New York》的女主角。不是說她的演技特別好，但好適合演可人兒角色，一出來已經受到萬人迷戀但女人妒忌那種。她的樣貌與演出都十分具標誌性，繼續扮演小公主一流😍
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈犯罪現場〉】唔犯錯已贏一半，舒服就好了

其實，我幾鍾意，至少港產片來講好睇。演員每個都演得好，故事很實在，特技不廉價，情感無強行過份營造。係呀，我要求好低，唔犯錯已贏一半。唔知大家發唔發覺，現在的那些片，不斷講兄弟、情懷之類，講到好厭。一係就在8、90年代背景狂加相關擺設，就話製作認真，勾起回憶。一係就瘋狂講“一世人兩兄弟”，兄弟前，兄弟後，以字眼洗腦去製造感情連繫，最衰係仲要加首舊歌做主題曲，像〈掃毒〉。以上講的，我視之為作狀。〈犯罪現場〉的表達方式自然，古天樂角色所做的都係為兄弟，但看得人很舒服，真係做出來唔係得個講。角色們的所作所為很正常人行徑，不特别火爆不特别令人憐憫，有些情感恰到好處暗暗流露便好了。

.
格局上相對其他黑幫片警匪片犯罪集團片來得細，總好過大而花巧、千百個過場人物再周遊列國。流暢而無一節節，算係一氣呵成，易跟到線索去，節奏氣氛都營造得唔錯，疑團與輕鬆交替平衡得宜。我不追求甚至討厭過份的戲劇性，這部片達到我要求。總覺得現在的電影人太想製造些話題，搞得太過龍，大佬後又有大佬，飛車飛極唔完，扭橋扭到好複雜，娛樂性強得蓋過主線等。〈犯罪現場〉真係相對簡單，結實舒服，最緊要無硬講大道理。當今觀眾喜歡Dark喜歡有message，拍得好就話姐，大把懶藝術又要拍唔掂的作品存在於世上。
.
當然套戲都有些少說話想講，但不是賣弄扮王家衛那種格調，純粹地講個雙邊互查搶先發制人的故事。宣萱的一條線為古天樂角色加多重意義形像更立體，我喜歡，亦看得出他有投放心思去演那種孤獨又帶恐懼的細微表情，多產的古天樂實在少交到達標的功課。
.
BTW
-上次馮志強導演的〈大樂師.為愛配樂〉都好令我喜出望外，他不同戲種都有能力處理，風格很合我口味
-顏卓靈😍😍😍
-好多位都好好笑：劉心悠自抽廣東話
-要批評就係譚耀文個假髮
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈小丑〉】未夠香港現實瘋狂

《小丑》明顯地得到大眾喜愛，連我屋企樓下那位賣衫叔叔都跟我說無得輸。當然，我也很喜歡，但事前的確一直有疑問：既然大家講得這部小丑很另類很文藝，主流觀眾哪會輕易接受？又唔見大家熱烈討論上兩星期畢彼特主演出名很悶很悶的《星際任務》？看完，我明了。原來《小丑》其實並不真是很文藝，我則期待更加文藝，而所謂另類卻是超級英雄衍生作品來講相對另類。不要誤會這是負評，《上流寄生族》也是用接近喜劇的形式去表達社會荒謬，在歡樂中製造了詭異的氣氛，這種電影也絕對能成為經典。利用大家都熟悉的角色，具魅力又易入口去講一個現實故事，讓主流觀眾嘗試觀賞具商業粉飾的文藝片，係好事。
.
故事內容方面我並不打算詳述，想帶出的訊息實在不複雜：窮人精神病人受欺壓／社會視他們為負累／名人都是偽君子... 之類之類。講真，這些在其他電影乃常見主線，視野上不顯得很突出。而《小丑》贏在劇本扎實不花巧，配套亦相當高水平。要回想故事中發生過的事，其實不算多，但安排主角被打擊的順序與推進做到十分流暢有力。加上主角Joaquin Phoenix從表情到動作的無敵演出，被街童欺凌的簡單第一幕已經讓人融入到社會壓力中主角的心境。所謂配套，包括攝影 色調 服裝 佈景，呈現那數十年前的環境都非常精美，每秒都是劇照，每秒都是心機。導演不只想把故事說出來，顯然對技術上都有相當要求。




故事我大致分為前後兩部分，個人比較喜歡前段主角受到多種不友善對待的一段。而中後段開始聚焦身世之謎，認為安排上有少許失誤。不是因為我未能接受大慈善家Thomas Wayne忽然變奸，而是『老豆是李嘉誠』把一個很接地氣的故事帶上了穿梭機。前段我們大都很能夠不多不少代入其中，你即使無經歷過單親家庭長大，無被欺凌過，無精神病，但也至少活在老闆的工作壓力下，這些亦可能發生在朋友身上，是很貼身很易有共鳴的感覺。但認真講，我沒有想過有一天爸爸原來是比爾蓋茨。這個身世設計為電影帶來了戲劇性及娛樂性，更加與蝙蝠俠家族帶來了聯繫，『親生子還是妄想症』亦成為網絡熱話，但不能否認的是為這個99.9%貼近現實的故事帶來了偏離航道的機會。幸好，私生子疑團不完全是小丑成魔的最主因，而是引發他去發掘更多父親身份以外個人悲慘身世的細節，導演亦留下了令人遐想的尾巴，多個火頭爆發之中穿梭機最後成功著陸。
.
看過《小丑》的香港人特別感觸。基本上過去四個月，每套戲都找到相應啟示... 《天氣之子》看到黑警與出盡力爭取所愛，《第一滴血：終極血戰》看到"私了"的戰略性定位，到《小丑》看到人人都快被社會逼瘋。講真啦，電影在荒誕社會的角度上沒有給我很大衝擊。經歷四個月，有什麼沒有見過？我還嫌《小丑》中描寫的未夠香港現實瘋狂。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈星際任務〉】慢，但絕對精彩

率先同大家推介一下〈星際任務〉，我明，你可能因為畢彼特去睇，你可能以為似火星任務入場，但你必定要有心理準備這並不是一般套路的科幻片。慢調子慢節奏是此片特色，請嘗試接受去欣賞。否則無打好底便打算以太空歌劇心態去看都幾肯定你會失望，甚至有可能訓著。但我話你聽，我其實好喜歡〈星際任務〉。
.
好佩服編劇，把幾個中心思想：父子、逃避、孤單 等做到環環相扣配合太空元素寫成一個豐富的故事。每個核心題目都經過深思，不只以簡單劇情難關帶過道出，而是可以在電影不同位置都找到這些命題的蹤影。兩父子真正相處的畫面不多，但觀眾由片首至重遇中間一大段時間都不難感受到兩父子被緊緊連繫著。從畢佬與湯美李鍾斯的大眼袋，到他們一生同樣面對著孤獨，不停找方法逃避，為執行任務達到目的而犯了同樣的錯，他們的命運是無時無刻緊扣著分不開。在父親身上找到兒子的影子，在兒子身上找到父親的影子，血緣關係定下了結局，代代相傳似乎是最佳答案。
.
關於孤單，畢佬欠父愛致心理受影響又要面對婚姻問題，而他爸爸面對的困擾更深，以畢生努力找尋外星智慧生命去脫離人類天生孤單，大家都在逃避中嘗試找尋缺口釋放壓力。所以話，一個命題有多重層次去演繹，套用到故事的太空背景作一次又一次不同的比喻，勁！
.
亦很欣賞在世界觀細節上的小設定，如心跳紀錄、起飛前評估等都有助去加強個故事訊息表達。喜歡留意世界觀的群眾都不會失望，電影設定在不久的未來人類有能力到其他星球殖民，未去到過度幻想保留了真實感。裡面描寫到商用太空旅行的流程，月球太空基地的面貌，各國勢力在太空爭奪資源，罪犯在地球以外依然橫行，這些都很立體實在地建構不遠未來世界的樣子。雖然電影重點在於上述幾個核心命題以及畢佬複雜的內心演出，但建構出色的背景有助帶出新世界裡人類的疏離寂寞。而太空科幻片常見的驚險情節其實都並非完全缺席，文戲之間會適時加入意外、追逐、潛入、逃生等動作場面，量不多但依然精彩。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【*Nj評〈曳曳同學會〉】三個細路扮大人，笑到你扯晒蝦

推介一套上映中但未太多人講嘅作品
〈曳曳同學會〉係近排睇過最好笑的電影
一大班人戲院睇個體驗超正
(我睇嗰場仲要係full house傳媒場)

三個小朋友，講佢地探索成人世界
想拍拖，想了解性，想自由，想扮大個唔衰得
唔多唔少會諗起以前的自己
總有一樣講得中你
當年面對的青春總是撞板，悲劇收場的經驗多不勝數
以為個天要跌落嚟，而家諗返起就係笑話就發覺無咩大不了
套戲就係將大量這些“第一次”引發的笑話串連
組成一個極度密集好笑的故事

睇完好開心，好啱在這段充滿愁緒的氣氛去令自己抖一抖
唔敢講套戲有咩大道理帶到俾你
純粹笑下，讓你重新感受離開小孩階段的青春
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈噬逃險鱷〉】主角是不死人，受傷復原速度高過狼人

一個有心思的片名，真係好緊要

本來呢套戲你都估到係見慣見熟怪獸類災難片
見到個香港片名食字食到咁，唔多唔少留意多啲
.
呢篇短文遲來了兩星期，對不起，太懶
其實想讚下套戲，因為娛樂到我
誇張就肯定的
女主角四肢每一寸肌膚，都曾經進入鱷魚口中
她是不死人，甚至勁過狼人
五分鐘前被鱷魚咬完，五分鐘後跑跑跳跳
不要怪她，天生異稟絕對是遺傳自老豆
記不記得他首出場奄奄一息睡在地上等死
後來當然越打越精神
.
幾欣賞個製作，佈景呀特技呀都真是落足心思
鱷魚CG夠真，這方面投入感係泰國《鱷口逃生》的300倍
其次室內廠景要不停灌水都幾花工夫
以《鐵達尼號》淹沒方式去營造緊迫感覺絕對係成功
在超細小範圍之中，兩個主角三四個客串加隻狗
維持到一直高潮無停過，玩到不同花式係精彩嘅
雖然有時太好笑，例如剛剛先話暴風雨可以掩蓋女主角的行動
轉過頭立即風和日麗，要比鱷魚游得更快上船仔
誰知道轉個頭又被大浪衝返入屋，即是搞完一大輪都係原地踏步
心諗究竟睇緊啲咩，但唔緊要，真係幾好笑
都係果句，娛樂到我就得
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【Nj評::〈愛探險的Dora：勇闖黃金迷城〉】好睇勝在識玩膠

其實我好鍾意
明嘅，幼童卡通片拍成電影真係估佢唔到
大人一定覺得係小朋友片唔啱睇
不過我反而覺得係大人細路一家大細都適合
套戲真係好好笑，尤其頭一半
有時間的話，去youtube求其睇一陣卡通版
去理解下本身原著一些特有要素
例如會突然向觀眾打破第四道牆問問題
叫你跟住佢讀一些生字句子
無里頭唱歌、仲有Dora的猴子同伴、小偷狐狸
識講野的背囊、地圖
件事係好兒童，但佢好認真咁拍
好有心去將上面的元素放落一個現實故事上
非常錯配，非常on9
唔好搞錯，話佢on9其實係讚美
我欣賞佢夠膽亦識玩膠，而真係令我不停大笑
你諗下呢啲咁兒童嘅野，由一班廿歲嘅人去做出黎
係好唔入格，係好易俾人有低能感覺
但我作為成年人又真係樂在其中喎
故事頭一半比尾一半的森林冒險好睇
冒險唔會比得上〈奪寶奇兵〉啦，所以唔算特别
前面就係講一個森林長大的女仔走入城市生活
會發生的趣味事情你都大概想像到有幾好笑了
仲有啲演員好正，尤其女主角啦
窄身粉紅T-shirt跑跑跳跳，無3D版真係浪費
不過我buy佢啲演技呀
上次〈失驚無神一家人〉已做得好
今次佢要做個幼童內心的青少年
仲要學足卡通裡的時刻醒神語氣
佢絕對交出功課
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan