【#Nj評::〈閃亮人生〉】可能放慢少少個節奏會更完美

話說我就無欣賞過法國原版，比較唔到。感動溫馨程度屬意料之內，好笑程度就大大超出想像。不過唔知係唔係太好笑而笑料亦太密集，好多時笑到感受少咗中間嘅情感。可能呢方面淡返少少再深化角色間心靈交流會更加溫馨，更加合乎某些做足功課的觀眾入場期望，不過都好肯定99%觀眾會喜歡這部電影。
.
感覺上呢套戲個計算非常荷里活，不太打算以文藝片方向拍，節奏快速準確，豐富內容加笑料，滿足到不同類型觀眾。
.
三個演員做得非常好，Kevin Hart超自然演繹唔識死亂噏一通為電影的笑片基調貢獻好大，Bryan Cranston得個頭得眼神都交足戲交到戲，Nicole Kidman差啲認佢唔到成50歲人竟然可以逆轉年齡好似30歲咁吸引。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈小飛象〉】童話故事的另類奇幻

其實真人版《小飛象》已經做得唔錯，我一點失望都沒有。本來期望便不高，都係希望開開心心隻小飛象得得意意賣萌好讓我放鬆心情便可以了。以此作前提，絕對對得住觀眾，小朋友必定滿意離場。

.

當然其實預告片讓我以為會有一些更加繽紛的雜技舞蹈表演，原來電影在這方面篇幅算很少，大可以把熱鬧情況調整至更高，始終是我們以現今角度看馬戲團吧。更加是因為添布頓執導，認為電影中定必奇景處處，這次算是比較克制，用很低調的方式去處理奇幻。故事背景其實十分現實，但又設計出超時代的主題樂園，特技運用落每一個鏡頭，像90年代特技未成熟的CG光線打落相信是全廠景綠幕拍攝的真人演出，製造出本是童話故事的另類奇幻乃處理得宜。

.

演員方面，最突出一定是Michael Keaton，他最近可謂飾演奸角成癮，麥當勞創辦人《The Founder》，《Spiderman-Homecoming》禿鷹，到今次主題樂園老闆。可能兒童動畫原著關係，Keaton的角色表現誇張瘋癲，簡直像卡通片裡的奸角從電視裏暴走出來。兩位小演員沒有太多精彩演出，女孩科學家性格的冷冰冰人設更加可以話不討好。

.

雖然沒有看過經典原作，但知道本來動畫內容就是不夠支撐兩小時電影，導演嘗試加入更多人物背景關係是可以理解。以成人觀眾角度去認真看，感覺每條設計下的副線似乎沒有得到充足發揮，例如喪母，科學憧憬，軍人背景，這些都輕輕帶過不深刻，對主線無太大昇華關係。反而導致主角小飛象被搶走戲份及發揮時間，實質值得更多描寫，避免重複多次膽怯然後勇敢飛起來的單薄戲碼。

.

*追蹤instagram【 madman.movie 】有你著數！

*// https://www.instagram.com/madman.movie/ //

*

*讚好專頁【 電影狂人-影評情報交流平台 】緊貼最新電影資訊！***

－－－－－－－－－－－－－－－－－－

░電影資訊 ░獨家影評 ░幕後製作 ░戲院優惠

Fb專頁【 電影狂人-影評情報交流平台 】

http://www.fb.com/MovieMadMan

【#Nj評::〈G殺〉】好鍾意

講明先，《G殺》我在12月尾已經睇咗（自己俾錢，拜託唔好標籤我咩"電影kol黑社會"+"收利益"），當時無刻意去記低細節，到今日寫這篇短文的時候已經忘記了很多，會盡量將大體感受講出來。以下講嘅都是睇完當刻感覺，希望我引述例子引述情節討論就真係唔好意思。
.
個人好鍾意《G殺》
.
演員做得好，最欣賞係個組合配搭新鮮。裡面的演員其實又唔係好生面口，亦都唔算過度曝光，陸駿光楊卓娜電視見過，陳漢娜《貪狼》見過，李任燊《那一年，我17》見過。喜歡呢種好似識識地佢哋又有好多可能性睇到唔同演法嘅感覺，無定形這回事。即使有份參演的杜汶澤，見慣見熟個人氣場風格，但角色入血演出有可觀之處。內地演員黃璐，又係關鍵之所在，操半鹹淡廣東話更為角色加分，演得好好。
.
電影個框架圍繞一宗血案，其實夠商業易入口。不過的確有點散亂，尤其頭半，亦都好文青獨白feel，唔係個個頂得順。講講下亦開始失焦，跟片頭拋下的血案謎題走遠。不過往後交織趨緊密，回歸正途發展下去對案情有合理解釋，看完電影觀眾能夠理解一直鋪排的線索。
.
雖有商業元素懸疑故事作引子包裝，電影重點始終還是注重建立人物－一班走在邊緣的人。我沒有特意以政治角度去理解，純粹當作是社會眾生相，生活在我們身邊的這些角色交流足夠精彩，互有關連，劇情豐富。各崗位一輪又一輪交手，最後發展至血案悲劇。
.
最有趣最有實驗性質的絕對是剪接，利用幾十個G開首單字作分章分節。這個手法又係未必人人受，亦都其實有取巧成份，如此剪接有助拼湊那一大堆散亂畫面，但認真想可以話係不負責任以創新為口號忽略畫面連貫。可圈可點，睇你係舊派還是新派觀眾，接收能力有幾高。個人來說，最初頭有點不習慣，後來看熟都覺得是有心思的好嘗試。不過，往後請不要以此為常態。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈Marvel隊長〉】有人話太公式，我話輸在無跟公式

〈Marvel隊長〉帶領MCU進入新紀元，新局面，就連Marvel死忠都頂唔順，鬧埋一份。嗱... 認真，套戲就一定唔係拍得好，但我又唔覺得威力大得足以引來如此強度負評。個人感覺平平一般，看完好似無看，出戲院便忘記。純粹如此，評得不算辛辣留有下台階。一直想，問題在哪？問題係無跟公式。
.
由2008年《鐵甲奇俠》起便定下英雄起源電影的公式：總有個恩師，唔知點解戰死，佢生前對主角有所負託，改變主角日後行事做個頂天立地男子漢。除了風格極濃極另類如《銀河守護隊》外，套套基本上都一樣。即是話，無能力無信心玩驚喜，只要跟實拍至少一定冇死。個重點係主角經歷電影大事件後的改變，鐵甲奇俠由自負掌握愛，奇異博士發現自己之渺小，連評價最差的雷神都學懂神不是萬能。但Marvel隊長由頭到尾再思想上都無改變，應該話沒有激發她"轉死性"的事件出現，講白點是角色描寫平面，是編劇的錯。
.
再加上敘事方式次序非一般，再次屬脫離公式之錯。其實為新作注入敘事新意絕對是好事，《叛諜追擊》般失去記憶尋找身世之謎理應引人入勝，但找尋過程可謂十分兒戲簡單，中途竟然出現一個震驚13億人的plot twist。屋仔內Skrull族首領突然和藹現身實在十分奇怪，穿得像牧師口水多過茶，原來是暖男一名的真相難以接受。不過之後的部分反而更好看，倒不如由頭開始便作如此設定簡簡單單可能更可觀？而大奸角Jude Law簡直是太浪費，本來他與女主角的情義已經沒幾多，中途由忠轉奸無令人可惜之處，對引起Marvel隊長的情感掙扎矛盾轉變完全無效。
.
而《Marvel隊長》最令人過目即忘的原因是，沒有任何一部份做得極致。觀眾容易把焦點放在Nick Fury身上，甚至係隻貓，都不想多理解主角更多。我們知道劇情發展下去都沒有再多進展，驚人身世只發生在恩師Mar-vell，主角的背景仍然模糊。未上映至上映後，大家都係咁話這是一部女權電影。唔好意思，完全唔覺。只是一部女人做主角的電影，女權意味是零。連本來要達到的議題目的都做不好做不盡，好難讓人認受為成功作品。動作場面可謂避重就輕，CG都少用，感覺是相對低廉的超人戲服拳頭交加洛克人炮拳。個人覺得麻麻地的奇異博士仍起碼有精彩的幻術靈魂出竅打鬥，Marvel隊長在這點上都被遠遠比下去。
.
至於女主角選角Brie Larson，都可以話未盡極致一例。講靚，講獨特，真係不敢恭維，豪不起眼。有人反擊，主角Carol是軍人當然是這樣。大佬，拍戲呀，尤其是英雄片呀要有魅力呀，那Marvel當日又選擇Chris Evans做軍人美國隊長？唔靚不起眼，又唔代表我認為選錯Brie Larson。點講佢都係奧斯卡影后，Room裏絕境堅強又溫馨的母親演繹有幾出色有目共睹，再見她近來充滿活力出席戲院謝票活動笑得幾咁靚，好肯定她絕對能有所發揮，導演指導得好的話。問題便是出在導演身上，怎麼安排她由頭到尾都怒氣沖沖的樣子？是甚麼創作理念？124分鐘同一個不討好的黑面，破壞電影，破壞演員，真係難為了家嫂。
.
×☝🏽☝️☝🏼多謝投稿！有嘢想講，都歡迎各位投稿分享你嘅睇法～×
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈流浪地球〉】睇過先有資格批評。無你想像中咁差

近排興講《流浪地球》，個潮流係由一大班似乎睇都無睇過的場外觀眾點評，用不同方式製造花生冷嘲熱諷，非常熱鬧。咁好玩，搞到我都想加入討論，我睇過，我真係入戲院睇過。鼓起勇氣，作好被批鬥準備。點解咁講，因為我打算俾正評這部電影，這部被譽為『絕對不能正評的大陸電影』。

.
特技，的確非常利害，質與量都達荷李活水準係不爭事實。比得上Alita？肯定比不上，還跟高水準有一段距離，至少不嚇人，有心做，足夠表現電影裡的世界。開頭都有少少不習慣這種特效畫面，與我們平常見開的有些微差異，但一段時間後適應到，睇得舒服。車輛服裝設計一切都很精美，只是地下城還做不到那種真實。這部分應該是拍攝棚實景搭建，光線假假的，不夠污糟廢鐵感。
.
故事，正常，我並不是精密科學追求者。只是不明白點解如此大project竟然會計漏木星條數搞到差點世界末日... 很多劇情都說了算，故事背景沒太多問題但說故事技巧絕對有很大改善空間。基本上吳孟達出事之前，可以有很大篇幅去寫人物但明顯失效浪費，角色之間交流不足，很平坦的敘事有悶場。出事後好似為電影打下強心針，目標頓時明確好睇返好多。基本上結局個救世計劃係聽唔明睇唔明，各人分工都混亂，但有一大堆看似刺激的事要處理... 有一班人推推推推推，有一班人清除某個障礙，有一個人負責演講，有一個人負責server房... 大概如此，結合這些便可以救世。至於點樣運作，都係完全放棄理解算了。加上電影的剪接異常混亂，眨一下眼危機就突然出現，未夠清晰鋪排，但又唔知點解睇得十分緊張哈哈哈。
.
大中國，唔好意思真係感受唔到，反而我睇到電影盡可能加入不同國籍落故事之中。你要話政治正確，就肯定不是中華民族主義行頭的政治正確，反而是普世包容的政治正確。我知你又想笑吳京做太空戰狼，不過我話你聽他只是特別演出，戲份出奇地少。與他執行任務的是俄羅斯人，聯合政府代表亦不是說普通話，最後多個國家隊伍合作去盡地一煲，看到這種安排絕對係有驚喜。至少，看不出那種『若不是中國，你們早就...』的意圖，要放棄這個『宣揚國威』的大好機會其實真是個非常難下的決定。至於有人堅持話用中國人做主角救地球就等於大中國，我都無咁好氣，難道叫大陸投資者找外國人來主演咩... 很合理吧。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan