【#Nj評::〈#死亡無限2次LOOP〉】聰明處理loop多次。仲好過第一集

假如我給《死亡無限loop》70分，續集就有80分

好難得呀，續集個感覺仲好過第一集
首集開咗個好頭，收得完整，過程有趣
係差在無限loop，loop到有個位覺得多得滯
產生輕微厭倦感覺
.
今次呢，唔同喎，基於上集情節玩出變奏又唔係炒冷飯夠精彩喎
開頭玩另一個上集大茄，另一角度loop返兩round先過下癮
順便介紹新人物，解釋埋上集起因，引發出今集新旅程
話新又唔係新，基本上都係上集setting但有些少微妙變化
所有上集人物關係都砍掉重練，重新認識
唔好話個主角黑人問號，連我都覺得有點燒腦
但真係要大概記得上集劇情入場先可以好好享受
感受下編劇如何在框架下洗牌用創意製造新驚喜
上次驚慄懸疑探案感比較重，今次青春輕鬆科幻歷險味較濃
電影裡面提到回到未來，講真係有陣相類似感覺
.
相似的大橋在電影史上出現不少次，但談得上精彩的相信不多
今次難度係接近重複上集劇情人物
但加入科學觀令到件事更加實在豐富精彩，仍然帶到新鮮感俾觀眾
提醒返要求有根有據科學理論的朋友千祈唔好睇
驚你覺得唔真實唔開心，諗住睇套喜劇但破壞美好一天就唔好啦

.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈LEGO英雄傳2〉】拍得住首集咁熱鬧好玩爆笑洗腦

The LEGO Movie 2 : The Second Part 實在好睇得過份。話說這半年有兩部續集動畫極度期待：〈無敵破壞王2〉與〈Lego英雄傳2〉。前者，其實有啲失望，唔係唔好睇，只係回歸俗套欠缺創新。但後者，精彩創意教育性拍得上第一集，由頭笑到尾，意念上有所延伸，下年奧斯卡仲夠唔夠膽唔俾佢入圍5強？（講開LEGO Movie一定要鬧一鬧奧斯卡）
.
以LEGO電影系列來講，過去兩部蝙蝠俠及忍者都只係每況越下，唔多好睇。今次叫做回歸正傳拍續集，繼續有Phil Lord同Christopher Miller拍檔編劇，即刻醒神有生氣！首集插入的現實場面為電影加添新鮮感，更加係將意義表達提升幾個層次。今次繼續咁玩，有更加多現實場面，帶出更多玩LEGO背後的樂趣。上次係Master Builder，今次係Master Breaker做對比。由LEGO應該自由發揮創意還是應該黏合成藝術擺設，延伸至獨樂樂不如眾樂樂，個概念好比我們上年愛爆的〈挑戰者一號〉，玩樂都不忘初衷，沒有最好玩只有更好玩。
.
更重要的是，故事發展繼續出乎意料跳脫，創意情節令人笑到停唔到。繼續有大量密集笑話，假如你對電影都有幾多認識會投入度100%，識得笑其實好好笑。《正義聯盟》，新舊水行俠，幾個LEGO版本系列的同一角色，最正係連布斯韋利士標誌性演出都玩埋，仲要講足三次都仲笑得出！更加不可不提的是歌曲，上回都不覺得如此密集只記得洗腦神曲Everything is Awesome，今次瘋狂唱歌，延續洗腦風格歌詞又超配合劇情。歡樂程度似以前的迪士尼動畫，又開心到有少少令人心寒夾到女皇的神秘身份感覺。主題曲以外，〈Catchy Song〉(The Song That Will Get Stuck Inside Your Head....)再次極級洗腦，〈Not Evil〉聽到不寒而慄，〈Gotham City Guys〉笑爆嘴蝙蝠俠fans必鍾意。仲有最緊要，〈Everything is Awesome〉竟然結合〈Catchy Song〉成為變奏〈Everything’s Not Awesome〉感動熱血！兩首歌一脈相承，痛苦中保持自在快活，絕望中拒絕放棄，喜從悲來成件事再次昇華！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評: 〈 銃夢：戰鬥天使〉】跟《阿凡達》一樣無乜特別好睇

個個讚到咁，我睇完又唔係話覺得唔好睇，只係可以講一般啦，冇乜特別啦。請大家別再吹奏占士金馬倫，他確實在技術上貢獻良多，但本作與阿凡達一樣，劇情死板結構公式，實在說不上神作，以下是個人一些觀感總結：
.
世界觀之類在這個時代不是十分特別，電影呈現上似District 9導演《極樂世界》。
.
類似反叛抗爭結構故事好易爛尾。eg: 飢餓遊戲 ／ 移動迷宮。本集避而不談，往後不睇好。這次小結尾到喉唔到肺，不痛不癢不爽。
.
期望moterball會好特別，似哈利波特魁地奇有一種獨有規則，點知都係加速版籃球運動。
.
劇情整體一般，喜歡前段女主角蘇醒，觀眾跟她一同探索世界，食朱古力，食橙，睇到心理變化。但後面男主角無腦奇怪舉動翻白眼，醫生老婆突然母性大發，關鍵位成功瞞騙睇唔明講唔通。
.
男主角不討好，個樣一睇就好似90年代造型的街邊死𡃁仔，見到都想打鑊佢，有咩可以吸引女主角？
.
劇情強行推進，特意安排女主角得到新裝甲屬純功能性情節，實質異常兀突。其餘劇情都係屬於精準計算框架之內，公式化，沒有驚喜。
.
美術最為值得讚頌，演員與CG沒有違和，大眼但五官比例合適，角色形像武器設計一流。
.
浪費嘍囉老大黑人演員，他在《綠簿旅友》表現超班，理應屬影帝級數。負責Alita動態捕捉的女演員無敵，把表情動作少女心細緻呈現。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評: 〈 王者之後：重拳復仇 (Creed II) 〉】悲劇對手完全搶過主角風頭

好可惜，〈Creed II〉在港上映一星期之後大幅減場，身邊有朋友想睇都安排不到時間。香港來講聲勢都似乎非常弱，只有網上fans在圍爐討論。小弟不能說是Rocky粉絲，慚愧地，實情我一集Rocky都未看過。話說〈Creed II〉之前一晚，臨急即睇〈Creed I〉。果然犀利感動到我，音樂／故事／演員都非常合我胃口。然後看〈Creed II〉，都幾好睇喎，得到如此低迴響認真可惜。
.
不過你問我，還是喜歡第一集多一點。〈Creed I〉件事比較陽光熱血，力爭上游打出自己一片天。〈Creed I〉就黑暗得多，心底出發點都係基於仇恨居多。好彩叫做寫多幾個原因去合理化上擂台原因，講得通多角度夠細緻，純粹不及前一集直接正氣。Rocky系列fans一定特別有感覺，完全係第四集的下一世代續篇。連我這些閒人都很容易受到感動，不難理解世代之間造成的破裂，得承認在故事上做到成功且吸引的鋪排表述。電影中的悲劇敵人完全搶過主角風頭，觀眾應該會更關心兩父子這些年的艱苦歲月及心底累積的壓力。故事上在此描寫不足，捉到鹿唔識脫角略為可惜。
.
史泰龍最後一次演Rocky，有幸趕上尾班車及時在大銀幕觀賞。〈Creed〉系列兩集都拍得幾好睇，已上軌道算係接棒成功。不同角色後代相繼出現，可看到真係有排玩，不過希望不要再擴大家族恩怨情仇講Creed個女Creed個孫Creed的後代跟以往的敵人後代瘋狂對打。反而，你拍番蘇聯佬兩父子外傳我更有興趣。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評:〈武林怪獸〉】我懷疑條橋係咪啟發自Pokemon Go

上星期我做勇者挑戰〈#武林怪獸〉
點知收到勁爆回響，好多人叫我寫報告添
ok，既然有人想睇，我都唔介意寫少少
.
我知道，你地一定想睇我點樣笑佢鬧佢
因為這是一部香港監製導演+兩位香港演員的大陸片
題材更加係玩到爛的功夫，CG特技怪獸
中伏機會基本上係百份百！
.
唔知係我期望實在太低趨向零定係點
我覺得OK喎！哈哈哈
CG係劣質喇無得講，不過算啦隻怪獸都唔係好重戲份
亦都唔重懶搧情的人獸生離死别之情
我當隻怪獸無到
.
背景係武林人士四圍去捉怪
我懷疑條橋係咪啟發自Pokemon Go🤣🤣🤣
睇得呢套戲就預咗唔係想要咩劇情咩人生哲理
套戲就明玩膠，所以我易啲接受笑得出喎
好過嗰啲想認真但無能力繼而變膠嘅戲
我欣賞一樣野係套戲有9成時間都發生係客棧裡面
咁長時間keep到有唔同事件或者trash talk
好流暢無停過，角色定位都好鮮明
同埋擺明特别設計過的廣東話配音(盧海鵬 黎耀祥 西瓜)
夠啦，已經好笑過好多賀歲片( e.g.棟篤XX🤣)
.
想睇我鬧呢套戲既朋友令你們失望了
唔係好差，喜出望外
唔知有無人信呢
唔知會唔會俾人話我收錢呢

【#Nj評: 日本版〈那些年，我們一起追的女孩〉】我懷疑我都拍到

這幾天，一直哼著胡夏的《那些年》
主要因為最新日本版電影偏偏缺少了這首主題曲
要哼夠本補數（反而瘋狂《Kung Fu Fighting》，以為是功夫片）
.
唔多唔少，真係對日本版《那些年，我們一起追的女孩》有失望
香港人當年熱追這部電影，一定有佢吸引人的原因
（不過《比悲傷更悲傷的故事》都超高票房真係解釋唔到）
有時不是想比較，但日版真的欠九把刀台版靈魂
經已接近以複製程度去拍
場口，劇情，對白，可以話99%一樣
但就看得人好沉悶，我理解唔到
雖然話複製，但至少有兩場重要戲份消失
.
課堂打手槍呢？
原版就是因為這場顯得同齡的男角們多幼稚
調子多喜劇多瘋狂，深刻好笑
還有平溪路軌上走平衡木呢?
這個畫面好好表達到男女主角之間做無聊事產生愛的喜悅
計我話
一係作較大幅情節改編，增加新鮮感
一係完全跟足，不要刪減這些重要場口
我實在不清楚導演有沒有自己想法
這樣的成品我懷疑我都拍到，照樣跟足角度攝影便可以
.
還有就是，我期望日本人有自己一套拿手純愛故事拍法
但現在我只感覺到毫無精神
光線暗淡，感覺濕濕笠笠，配樂刺激不到情緒
男女主角零交流，看不出曾經（接近）相愛的感覺
女主角的確幾kawaii，但明顯地只適合拍攝硬照
每一刻也是一樣的表情
做不到陳妍希自傲高材形象也有撒嬌融化的親和一面
男主角沒什麼特色，只覺得畫眼線怪怪的。。。
.
明明台版做到人人懷念青春的效果
怎麼日版毫無活力讓人覺得死氣沉沉
可惜... 本來我還十分期待
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評〈大黃蜂〉】觀眾表示：跟小狗玩遊戲便好看

看看〈大黃蜂〉在爛番茄的走勢，實在強勁。遠遠拋離前面五部正傳作品，93%經驗證絕對新鮮。OK，我明白，真的好睇過前兩集垃圾好多好多（原諒我用垃圾兩個字），不過，我仍然覺得其實遠遠超越不到第一集，亦深感過過過譽。
.
年輕人，究竟是什麼驅使你們覺得〈大黃蜂〉有咁好睇？是不是第四第五集衰到貼地，對比下沒有任何期望下便容易把今集捧到上天？我只可以承認，今集還好，走溫情走得正路，沒有看到眼花疲累的打鬥轟炸，沒有面目模糊的變身過程，看到普普通通的故事主軸，就此而已。
.
最為人津津樂道的女孩機械感情，我仍然覺得建立得不夠穩固。俾著我，屋企車房架老爺車突然在我面前變了一隻幾個人般高的機械人，嚇都嚇死即刻走人啦，大佬呢隻唔係ET咁得意喎，你見到變形俠醫驚唔驚先？點會得閒了解佢做乜咁驚 肚唔肚餓 係唔係發生了什麼事。自己眼見，女主角好似沒有什麼特別反應，好似見慣見熟老江湖，我視之為不真實。
.
你又會斥責我睇科幻片不應該要求這麼真實，喂阿哥，係你話我聽〈大黃蜂〉是溫情片，我自然要求感情要開始得合理發展得穩固。尤其本電影比較單線沒多層次，我自然會把注意到的關係瑕疵放大。再下來是劇情的不認真，軍人包圍主角家但可輕易逃走，大黃蜂基本上無生命跡象但無緣無故最後無事... 最難頂係，掙扎跳水整個安排，實在拍得異常兀突尷尬，簡單講係搵戲做，所謂的『成長』算吧啦。
.
雖然前段很多批評，但其實我並不憎恨這部電影，只是理解不到如此高評價。失聲賣萌不是新元素，有趣好笑都不能完全歸功於本集。就一部溫情片而言，未達到高水平，只怪它是變形金剛的衍生作品，叫做有驚喜。我只是不希望，以後每部電影都加插大量與小狗玩遊戲的劇情，觀眾便感到無比滿足。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan