【龍系煲劇】抗炎好介紹

李師父話龍有助化解疫症
版主而家就推介一啲龍系影視作品幫大家WFH煲劇抗炎
.
首選〈Game of Thrones權力遊戲〉
裡面有三條龍，免疫力三位提升
最緊要龍母夠索，睇多啲靚女保一生平安
.
次選成龍系列
不過佢已經變咗條蟲
龍魔法失效，都係當我無講過

仲可以睇〈馴龍記〉
既然龍可以剋病毒
馴龍咪可以駕馭天地？
.
睇〈哈比人〉都得
第二集條惡龍係Benedict Cumberbatch扮演
攝影廠裡面拍嘅動態捕捉片段
見BC七情上面喺地下爬下爬下
幕後仲好睇過套戲
https://www.youtube.com/watch?v=sXN9IHrnVVU

加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【#Nj評::〈瘋狂紳士幫〉】好型好獨特，衣著說話肢體表情chok住咁去

其實套戲真係唔難睇，但頭一個鐘差啲瞓著，怪個口罩啦。不過都同個講故事手法有啲關係，即係好似《小丑女》咁，呢度講啲、嗰度講啲，好似唔多關事，最後連埋一齊。最似嘅係，大量旁白去貫穿，我自己麻麻地，吟吟沉沉其實好易搞訓我，反而你淨係影住個海半個鐘嗰啲文藝片又好地地。狀態唔好，用咗成個鐘去理解睇緊啲咩。留意，真係唔好睇嗰啲戲我係會感到唔耐煩，但呢套無，純粹俾高度風格化混沌咗一輪。
.
其實個故事都好簡單，人物唔算好多，易分易理解，純粹玩下個敘事手法去充實下套戲。最好睇係每個人都可以好型好獨特，衣著造型上係，講說話肢體表情上係，chok住咁去。有人話好好笑、對白好正，我一般般啦，有笑嘅都。有時有啲廣東話出現，又有香港電視畫面出現，啲人笑我就唔知有乜好笑，咁啱你係香港人先有啲特別感受，導演編劇設計上肯定冇咁諗。覺得啲對白寫得好好玩，有部份當然都係，又有部份會係預設咗套戲走玩嘢風先特別入戲。好似啲人睇而家嘅港產片，認真好、文藝好都笑咗先，唔知做乜。

我自己可能預期一堆角色之間個交流好多，但原來每個人淨係連結另外一至兩個人，無咁開心。Colin Farrell飾演的Coach好似好局外，遲遲都未連入主線人物交流爭緊啲。當你以為Matthew McConaughey係主角，原來Charlie Hunnam先最多戲最charm。開頭散散地去到後面一個鐘慢慢聚集幾條線，開始睇得明，就舒服好多。解通晒可以玩得更意想不到，但真係唔會用plot twist去形容，呢個term唔係咁用。最後想講，玻璃心大陸人一定唔入得場，『辱華』成份極高。中國人做奸角，樣衰衰，俾鬼佬玩俾鬼佬搞，大陸人睇完一定眼火爆。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【#Nj評::〈超音鼠大電影〉】好彩占基利繼續夠浮誇

〈超音鼠大電影〉是我近來難得無睇到訓的戲，代表都真係幾ok… 你話好好睇勁好睇，就一定不是。但整個過程很歡樂，好笑，娛樂性足夠就可以了。動作場片其實都幾弱，那些像快銀的畫面可以忽略因為類似的已看熟，公路追逐其實拍得不多刺激但那不停變細破體而出的機械人又幾有趣，末段三藩市追逐沒有善用大都市特色去設計躲避橋段而穿梭各地名勝亦不夠多不夠盡。想不到這部本來想看動作戲碼的電影，最後因角色互動及演繹而得到好評。

.
超音鼠的設定好，貪玩，鍾意睇漫畫鍾意睇戲，無朋友，似個宅男，男觀眾好易代入啦！最正係睇The Flash，睇Speed(有奇哥驚喜出場😂)，從昏迷清醒後第一個想起The Rock，玩Men in Black，很多其他電影的玩笑加落去，識笑就好好笑。當超音鼠很想留在美麗的異鄉地球不想離開，主角雷射眼的設定完全相反很想離開小鎮到城市闖一闖。兩個角色雖然融合組隊過程上有點過份順利，不過這種想法差異至相處後的改變又幾令人有感覺，像小朋友讀物，很簡單但三至八十歲都受用有意思。

最後一定係講占基利，實在對套戲貢獻太大。正常一套戲，這樣的浮誇演法一定出事，或者其他人用這種演法演這部電影都會出事。其實也有一輪厭倦了他這樣的演出方式，但原來再看還是十分懷念… 只有占基利，可以完美演到一個不折不扣從遊戲卡通走出來的瘋狂蛋頭博士。有佢講無人講，與Agent Stone的交流也非常好笑有趣，在車箱中無厘頭跳舞簡直唔知做乜但就係好正。最開心是片尾片段，重現經典造型，伴隨著類似Cast Away排球Wilson的Agent Stone，探索蘑菇星球為下集回歸鋪路，短短一分鐘已笑死。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【#Nj評::〈猛禽暴隊：解瘋小丑女〉】不夠瘋不夠狂

電影拍得像美劇，前面經歷一堆不線性的事件
每個角色又好似互不相關，到季終集便會交集在一起
個人都幾喜歡今次的presentation方式
cult cult地，有點塔倫天奴
講前講後再講前再講後，跳著把幾位角色帶出
串得通，慢慢地引領到同一個地點被逼聯手打大佬
而每人參戰都有足夠的原因，而不是suicide squad般無厘頭訓身打外星人
這個讓人覺得有點亂的手法其實可以話取巧
究竟是導演真的在事前已打算這樣拍
還是拍了很多段落後發覺拼在一起怪怪的
再找女主角錄一些旁白做連接順勢製造特别的講故事技巧？
我暫時傾向前者吧，相信創作人的初心
(〈低俗喜劇〉用講座去串連也是導演省卻人力的把戲)
.
整套戲沒有讓我看得很爽，但戴著口罩下起碼無訓覺
我覺得小丑女是可以再瘋狂一點的角色
劇本上未夠盡未，演員發揮到盡都無用
反而幾位配角雖然戲唔夠主角多，但又寫得幾有趣
尤其那個Huntress，一臉正經冷面笑匠
至於奸角，我又無甚麼大意見
都係劇本問題，只提及會剝面皮會嚇怕人
實則無特别好打，戴mask不戴mask一樣
我覺得要寫他有樣秘密武器，好cult好瘋狂的使用
然後再像戲中給爽快血腥處理掉
.
至於打鬥，場景道具設計上都好玩
最正係劫警局及尾場樂園
不過演員好似不善於動作戲
每下都慢半拍，就住就住，次次都紮好個馬先打
連古天樂都可以在貪狼打到好似苦練幾十年一樣
證明非動作演員也可以有一流的動作演出
這部戲似係剪接拍攝那些出了小許問題
讓動作看起來不得利落
所以整部電影感覺每件事都未去到盡
合格，但沒有非常出色
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈肥龍過江〉】精靈起勁肥仔葉問

真話係難聽，不過都要講。《肥龍過江》應該都可能係今年幾部華語賀歲片之中製作得最認真，最有質素的一部。我知，有王晶投資、有王晶演出你唔想睇，OK無逼你，我只以戲論戲聽我講埋先。套戲其實不是王晶導演，他是編劇，而我都真係覺得劇情幾唔掂。導演是日本人谷垣健治，甄子丹師弟，多年來已經跟開丹爺搵食，做開武指今次終於擔正做導演。套戲好睇在甄子丹可以自由奔放地大打出手，配上80年代港產動作喜劇模式，一路打一路好笑一路緊張，把港片最光輝歲月還魂的作品。
.
劇情，真係得啖笑。你看簡介會話你聽甄子丹飾演的香港警察負責押送犯人回日本，返到去原來個犯又同日本黑幫毒品有關，之後丹爺便無啦啦捲入一場風波，講到好巴閉。Bullshit，根本可以完全無視以上設定，總之是但求其找個理由讓甄子丹走到日本打打打，最後其實都只是英雄救美。奸角其實都沒有背景可言，而在日本認識的香港人王晶與毛舜筠，和主線沒有什麼關係，所以主角以外的人物關係建立很差兼多餘。尤其王晶今次演情深認真之人，個感覺唔適合佢，可奪最差演員獎，都係做返屎尿屁肥螳螂搞笑最好。反而甄子丹與周麗淇兩位，一頭一尾的情侶互動好睇有趣，更多戲份都沒有問題（利益申報：周麗淇是我中學年代的女神）

睇呢套戲，發覺有錢真係萬能。有錢，可以在廠房內搭一個歌舞伎町景，好似當日《72家租客》的西洋菜街。然後很多戲份都在裡面拍，包括兩三場追逐打鬥。歌舞伎町景始終望落去都差少少質感，亦比真實縮小，但細節設計很好。整個街道樓宇規劃都為追逐打鬥而設，好讓丹爺爬上爬落跳來跳去，善用街頭物資攻擋非常好玩。有錢可以把特技完美融入打鬥場景但不察覺，包括首場車廂及尾場東京鐵塔。好似置身其中般打，但係你明知道無可能真的爬上東京鐵塔以此角度拍攝。當你看過《P風暴》尾場直升機及《九龍不敗》，便會知道劣質特技是如何趕客，但《肥龍過江》的CG背景與演員搭景好夾，不令人出戲真真正正可以專心睇動作。當然，幾多錢都好導演唔得乜都假，今次擺明導演落足心機，錢銀技術又支援到才有好結果。
.
睇丹爺演葉問太多，經常垂頭喪氣為老婆仔女民族憂心，打交都係迫於無奈咁款。但在《肥龍過江》我看到精神飽滿，精靈趣怪的肥仔丹爺，俾人打低好快便起身再打過，越打越痛快、速度奇高不停向更極限挑戰。加上幾場大龍鳳有車廂困獸鬥、東京街頭追逐、鐵塔大戰，豐富精彩睇到人好醒神。劇情編得不好係事實，但又無話拖垮套戲，所以夾硬放大缺點係不必。動作場面大幅度搭救，丹爺另類起勁演出，有驚喜，好看的戲係要讚。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你帶頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈怪醫D老篤〉】睇到我想D佢老篤

其實我包容度一向都好高，好少有套戲可以令我如此難頂

一路睇，一路好唔耐煩，不停問：究竟幾時完？
兒童向無問題呀，都唔係幼童級數呀嘛
起始用故事書方式去引入，已經定下方向，然後變真人越拍越衰
像圖書館裡面一頁得20隻字、Font Size 72那種呃錢兒童繪本質素
大佬呀，現在電腦動畫即使是傳統老土公主片都可以拍得老少咸宜
為何一部用大明星兼密集CG大製作的電影可以拍得如此難看？
.
基本上電影裡接近每一件事都錯
演繹錯，每個角色都似卡通人物
講對白方式誇張低能，下下奇怪口音chok聲，聽到好辛苦
RDJ理論上不會演不到這個角色，但我覺得他有資格奪得金草莓獎
要論怪雞角色，尊尼特普真係贏兩條街
又咁講，每演員都出現演技危機，似乎是導演指揮有問題
.
劇情、節奏大錯特錯
我都無要求什麼驚天情節，但都不要拍得如此無味道
應該驚險的不驚險，應該好笑的不好笑，人物關係完全是零
我睇〈怪獸與牠們的產地〉都見到主角與怪獸交流合作真摯
但D老篤與動物朋友各自各，完全看不到之間感情
所有角色都自己演自己，零交流，閃閃縮縮
無足夠機會讓他們互動交戲，講一個簡單故事都有困難

故事想講主角老婆過身，孤零零，從此封鎖自己，只接觸屋內動物
怎知道有個同樣具動物傳心潛能的細路使他融化，最後釋懷重新生活
以上是本來想講的道理，聽落都幾簡單公式，難唔到荷里活導演啦
怎知令人厭煩程度，同《棟篤特工》有得比，計算全錯
自以為好好笑，要演員滑稽浮誇演出，應該BB先識得欣賞，5歲以上都覺無聊
我隔離位開頭都笑兩下，然後熟睡，夾硬吱你笑衰過港式群星賀歲片呀
睇到好尷尬呀，當觀眾低能白痴，唔好要好演員出醜啦好嘛
.
故事無味道，每個場景都極局限、無想像
太順理成章，無啦啦到達，無啦啦完成任務，無啦啦釋懷
無危機、無擔心、無緊張、無解決、無鬆一口氣
影像上想做到大世界，但俾人覺得每幕背景都只係廉價CG
好懷疑演員出外景究竟有幾多場
特技又不做得特别好，動物跟演員有距離感
最後D老篤幫某特别生物做手術只是借位便算
CG細節整都廢事整，慳水慳力慳功夫
咁Hea，不如唔好拍啦
〈怪醫D老篤〉有機會係農曆年最伏電影
等埋〈家有囍事2020〉，就可以真真正正分高下
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你帶頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan