【 #Nj評::〈新異變人〉】擺明無錢拍... 亂找個方式打完場

一套有努力揾到新角度、有點新想法的電影，但拍不好。面對心魔，每人背後的恐懼，青春期生理轉變，都有趣。不過就存在概念，沒有順利具體執行。

.

頭半想拍到驚悚，但只有悶場，四圍又沒有甚麼威脅性，還可跟朋友四處玩，我都不想走。打算帶領觀眾慢慢探索主角的異能，引子好，但應該一步步加多線索讓人齊齊估，好過現在突然解謎 。

電影公司擺明不夠錢提供，不討論電腦特技真唔真(我接受)，而是看出導演因無錢而很辛苦地四處將就，甚至會放棄了好想法拍不下去… 一間屋六個人，夠化算。只得醫生一個，控制五個異能人，個壓迫感完全不夠。每次她罰人單獨囚禁都好想笑… 憑甚麼？然後最後大決戰… 大力飛天佬完全無與熊肉搏的畫面，兩秒便跌下來… 火人看似好勁，又原來特技只用來虛張聲勢… 最好睇都是白髮魔女，花最多錢落在她的CG變身過程，又有隻可愛小雀雀，雖然不知道為何後來不夠打… 小狼女，懷疑找這個演員是因為她在GoT都是小狼女，特技還好。 女主角，平平無奇過屋邨妹，異能強但無令人想放焦點在她身上的地方… 最後她處在異世界，有小狼女在旁跑，畫面感覺其實幾好。不過竟然醒來後輕聲叫熊人乖叫熊人聽話… 就打完… 未免太搞笑 lol 我自己本來預計，每人內心有兩隻熊，善與惡，善良而更強大的熊會應召而出打敗惡熊… 懷疑本來真的如此，但無錢拍吧，胡亂找個方式打完場。

我接受能力相當高，〈屍殺半島〉OK，2015年版〈神奇四俠〉OK，〈黑鳳凰〉OK，這部都其實OK。我看到那些潛在的心思，但就沒有好好拍到出來，不過至少拍了出來的又未做很難看，甚至有些位幾有趣。我會形容這部是廉價版的〈哈利波特〉，再講。

加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*緊貼【 電影狂人-影評情報交流平台 】獲得最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】

【無劇透短評】《天能》傳媒優先場 * 一不留神就好大鑊！ *

睇完感覺係異常複雜，但好正

個節奏好快，配樂係咁推你心跳去極限，睇到有啲作嘔

明一半唔明一半，明嗰半好好睇，唔明嗰半就呆咗

唔算有人睇一次可以明晒，有都係唔明扮明

有啲野都唔知自己不才定係bug定係skip當你明

時空理論解釋部份可多返少少，尤其要講慢點，一不留神就好大鑊

睇多7次都唔明得晒，反而片商可考慮出個2倍慢版俾人消化

呢套淨係寫個劇本已經夠難，用畫面執行佢啲設定更難，視覺勁到睇到眼都凸

下星期各版友睇完我地再討論！

.

加入狂友fb群組【 #狂氏電影綜合症候群 】

*// http://bit.ly/32xJWLp //

直接交流 × 討論電影由你起頭！

.

*追蹤instagram【 madman.movie 】有你著數！

*// https://www.instagram.com/madman.movie/ //

*

*讚好專頁【 電影狂人-影評情報交流平台 】緊貼最新電影資訊！***

－－－－－－－－－－－－－－－－－－

░電影資訊 ░獨家影評 ░幕後製作 ░戲院優惠

Fb專頁【 電影狂人-影評情報交流平台 】

http://www.fb.com/MovieMadMan

【#Nj評::〈#無定向喪心老友記〉】 冷門外語遺珠勁片！老奸巨滑句句mean爆

今日唔講大熱〈幻愛〉，亦唔講〈打噴嚏〉，講套相對冷門嘅外語勁片。早排送飛經已大推，唔係同發行打龍通，我淨係覺得唔睇係你損失，我有責任將呢套有可能變遺珠嘅戲用最大誠意推介俾香港每一位。套戲係上年阿根廷全國票房亞軍，導演亦拍過奧斯卡最佳外語片，唔係求其將套有玩味嘅外語片煲大咁簡單，而係真心有演技有劇力嘅一套好戲。

〈無定向喪心老友記〉主要得六個角色一間屋玩晒：4個老野+2個後生。4個老野係大屋主人，而2個後生係地產仔，一邊要守住間屋另一邊要想盡辦法搶走間屋，是個奸商收地的故事，真正的世代之爭。類似故事睇過都講點用賤招逼遷，但呢套唔係，重點放落其中一位老太婆先係擁有賣屋大權嘅真正屋主，而佢另一個身份係年老後鬱鬱寡歡嘅過氣影后，奸商用盡花言巧語擦鞋陰招氹佢落搭，等佢覺得自己仲有復出機會仲有人欣賞不如賣樓盡地一鋪。如是者，另外三個老野與兩個後生大鬥法… 爭奪操控影后屋主的內心。

睇到呢到你以為我劇透咗好多，非也，背景如此，更精彩的明爭暗鬥要你睇先感受到有幾正。有劇情，有演技，老奸巨滑唔係誇張，句句有骨句句mean爆，笑裡藏刀睇到你寒，老人家聰慧睿智唔到你唔服，佩服到你笑出聲，高質對白提供真正的黑色幽默。非燒腦題材，係睇像L與夜神月之間的嗰種“我明知你係奸但我要引導你慢慢自己出錯”，每步都精心策劃，等你一步步墮入圈套，包你睇到最後大呼爽皮！講多無用，自己睇！
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈#無名勳章〉】無味道又作狀

所謂期望越大失望越大，這部電影正正應驗這句說話。大明星卡士，戰爭背景，人性光輝套路，理應無得輸。不過就偏偏拍到好似福音電影，製造善良但會睇得非常不耐煩，再耐少少會覺得無味道又作狀。
.
一班演員各有各演零交流，講兩句就流淚驚死你唔知佢好痛苦。是手法問題，錯得像學生作品，以此走向反應拍成紀錄片，起碼夠真夠實，不會像現在找演員來口述偽置身其中，形成唔湯唔水兩邊不是人。

有心理準備無大形戰爭場面，無問題，但故事裡的那位英雄面目模糊令人無投入感。唯一可讚，只有結尾一節，段發言算係幾振奮人心… 〈無名勳章〉不是爛片不是垃圾片，但絕不是好片。巴福斯最後一部發行的電影，我鬧得咁盡對不起…

加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 討論電影由你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈我老細係天后〉】歌好聽、戲好睇

睇完〈#我老細係天后〉，第一下湧上腦係想學阿梁博士拍返條片講句：“歌好聽、戲好睇”

.
同音樂有關嘅戲，通常我都唔知點評，舒服、想瞓，就應該係好作品。一套音樂電影令我“想瞓”不是貶意，我係覺得享受好聽先放鬆到想瞓。係我奇怪，套戲唔錯。




中文片名+海報設計，sorry，都好令我覺得係次幾級嘅戲，但睇落又唔係，色水呀 氣氛呀 舞台呀 都好pro，天后似天后，經理人似經理人，音樂監製似音樂監製，個package幾令到人投入。
然後後面竟然有驚喜位，加晒分，只怪我掛住聽歌無諗多餘野。

同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈熟女愛漫遊〉】唐禹哲出場5分鐘就叫領銜主演？尷尬笑料+煩膠主角

又係嗰句，感覺係自己嘅，好唔好睇過先知。聽聞〈#熟女愛漫遊〉爛，我就舉手做勇者深入龍潭幫大家試伏。仆街，真係爛到痴線，想走嗰隻… 我都算包容度好高，好多被劣評嘅戲我都叫做揾到值得欣賞嘅地方。而對上次有呢種感覺，已經係狂氏版友至愛的〈九龍不敗〉。我要鬧呢套戲其實成本唔細，你都知呢度之前同電影公司夾過送飛，隨時以後嬲咗我無偈傾。不過唔理，為大家心理健康著想，講真話係必要。

領銜主演唐禹哲？出場多過5分鐘就可以叫領銜主演？大佬，10分鐘都無喎，可能6分鐘啦… 多謝喎… 有無對白我都唔記得，有都係5句之內。算，其實我唔識佢，唔係想睇佢。九成時間衛詩雅擔大旗，呢幾年都好鍾意睇佢，好戲又靚女，個幾鐘頭淨係望佢應該無死啦。唔好意思，今次佢個角色煩到嘔，人設就30歲，心智就15歲，成日大叫“奸巴嗲！”懶hyper，個演繹極度over。喺訪問佢都話要用好多energy去演，導演問題啦，搞死個演員啦。你以為套野無聊都可以訓下，嘈得濟根本冷靜唔到落嚟，越睇越燥。

仲有套野on9當好笑，明知自己啲笑料夠尷尬，仲要加powerpoint試音效懶滑稽，配合演員5倍誇張表情，衰多兩錢重。想講女主角去日本散心忘記失戀，就求其安排2個感情失意嘅女人同佢加埋傾咗10分鐘，輕鬆覺悟成功。有無再求其啲？成個故仔根本唔成立，根本無劇情，淨係行黎行去煩膠少女上身，只睇日本外景都嫌唔夠多。唔求睇完有咩深度反思，至少俾啲娛樂性，俾啲吸引我睇落去嘅野，無，乜都無。
.
同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈死因無可疑〉】超強氣氛令你keep住繃緊

不是競猜誰是兇手的懸疑電影，請跟自己講一萬次。套戲好唔好睇就好睇你用咩角度，你要求要好多謎團燒腦找線索，絕對滿足不到你。個故仔越發展越誇張，越收唔到科，係極不合理，但我又容許呢啲不合理嘅劇情發生，因為個氣氛好強keep到我想睇落去。我見有人話不合理位係陳家樂最後做乜會去單挑而唔係乖乖報警企出面等人救… 痴線，個個觀眾咁諗做導演應該都好無癮。不如講啲真正漏洞位，點解智叔可以越過大閘直達小屋門前？又不如講太誇張嘅位：點解boss又捉人又殺人搞咁大單野係人都知最後仲只係諗住叫陳家樂去批保單咁好笑？有唔少安排欠妥當嘅劇情，不過我真係ok，件事其實拍得唔柒，技術上好令人入戲，蓋過到頭先講嘅問題。

燈光，美術，配樂，演員都相當好。嗰間小屋真係唔好睇小，好緊要，好多放得自然又對套戲好緊要嘅小設置。我話佢氣氛營造得好，係令人明知無鬼都硬係形住有野，明知個兇手係邊個你都想睇佢地鬥法，睇佢點繼續害人，想睇個on9主角幾時俾佢搞，想睇主角點樣收拾佢。做到晒呢啲，一套玩驚慄嘅戲已經成功。所以兇手到一半已穿橋完全不是問題，引導你諗錯只係套戲想做嘅一半，另一半鋪下越玩越大嘅陷阱，係俾變態佬睇嘅淺虐待戲碼。

而演員真係做得幾唔錯，首推都係黃秋生，全套戲無神無氣對白唔多句，就係演到角色需要。林嘉欣又係搞到好唔似佢自己，之前都分享過佢點樣準備入戲，有認真設計跟以往很不同的角色。而陳家樂，唔係話佢做得衰，但就擺明唔係好。太外露地把初期演得好陽光活潑，中段疑神疑鬼，後段直頭接近黑化。個演出就係好讓人看見，唔似得黃秋生咁好細微變化已交到戲，導演講主角在經歷整件事的心理改變係佢好想拍到嘅事。奈何受限於陳生演技真係未夠，又俾兩個好好戲嘅演員蓋過，個角色不單只無變得雙面人Harvey Dent般立體，反而只淪為一個只負責串連整個故事的人物。

.
同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈空手道〉】再一流的攝影美術都救唔返個故事

早兩日第一次睇《空手道》，viutv。當時見套戲都好大爭議，又好短，伏味重，所以無睇。而家電視重播，我都算好認真咁睇，真係唔啱胃口。

朝頭早睇完《金都》，夜晚睇《空手道》，都係鄧麗欣，咁樣比較最公道。話《空手道》係Stephy演技大爆發的作品，我覺得都係靠阿sa式黑面去演，唔黑面都poker face，唔算話好勁。但《金都》真係睇到啲嘢，眼神有戲，呢套先係代表作。

《空手道》劇本真係不足，係女主角叫做多少少背景，連杜汶澤個角色其實都無乜描寫。杜汶澤出場果段，玩燈光玩風格，cultcult哋懶型，冇問題，不過跟後面不是好夾。而佢要訓練Stephy亦誘因不足，淨係後來有個老爸幻象出來解釋係自己要求佢搵人打醒呢個不孝女，我覺得冇必要賣關子。

打完交，基本上我個mood都未入到，期待下一場比賽... 點知... 套戲已經完咗了 lol 最後幾分鐘，仲要係散修修唔關事嘅片段，慢動作，播下歌，講句好似幾型嘅soundbite去收尾。sorry，真係唔想咁踩，但真係完成度好低。唯一正嘅係，場景美術一流張蚊無得輸👍 攝影都唔錯👍 不過都救唔返個故事。

同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈聲光伴我飛〉】傳奇鋼琴師與現實的一步之遙

最壞嘅年代，亦係最好嘅年代。我自命電影狂人實則好多經典都錯過咗，而呢段時間重映嘅電影大部份真係好戲，中伏度極低。如果唔係重映，如果唔係有人邀請，我諗一世都未必會接觸到〈#聲光伴我飛〉呢套佳作。真.係.好.好.睇.



套戲成功在真係做到戲名The Legend of 1990，名副其實，無標題黨，刻劃出一個傳奇人物的一生，一個從未踏足陸地天才海上鋼琴師的生命。件事聽落有點離地，但又可以令到你好肉緊究竟主角接落黎會點自處、點選擇，好活生生好真實。船上見盡一切人事，過客都向前看，自己卻停留原地滿足現狀，甚至更可以話害怕面對未來。佢嘅命運，好似佢有佢道理外人唔會明，又好似好傻好難理解，那一步之遙，真係唔同年紀去睇都有唔同感受係無講錯。




套戲一點也不沉悶，音樂勁好聽，很多場景都很華麗大型。當中兩場包括大浪鋼琴飄移同寸嘴鬥琴，都係注定成為經典場口，主角演員Tim Roth更原來不懂彈琴，但透過鏡頭可以拍到他大師級般水準，倍加令人佩服。百老匯而家旗下每間院每日都做三四場，重映規模唔細，真係可以俾個機會睇下。

同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈日間演奏會散場時〉】 經歷與苦難都是成就藝術的根源

對日本偶像一向沒有什麼認識，男的只懂藤原龍也及松山研一（全因《死亡筆記》）以及傳奇級的木村拓哉及福山雅治。〈假面酒店〉本來都冇乜興趣，但木村拓哉吸引，就睇下，都唔錯但唔算話好好睇。〈#日間演奏會散場時〉有福山雅治，又睇下，正喎！留意，這句『正喎』係我覺得好睇，又未必係你覺得好睇。
.
要認真探討劇情，超多問題，好老土喎真係。不評論有無可能見過兩次面便深愛對方，男的想追求已訂婚女人，女的為這個男人放棄未婚夫，又唔可以話無可能，始終還有解釋些周邊因素。最大問題係令他們分開的原因，點講都講唔通，有人從中作梗產生誤會便多年不見。相當兒戲，至少在資訊發達的21世紀肯定不可能。反而如果套戲發生在戰後，亂世佳人，可能又OK，簡單講就係玩到咁同50年代故事有得fight。一段婆媽劇情，為本來包裝得很好的一部戲添加了污點。




用愛情方向去睇，兩位中佬中女望落都算夾，但未話成就到經典，講婆媽老土又一定唔夠韓劇勁。反而可以傳奇音樂家的中年期傳記角度去睇，其實又好到位。一位被愛情耽誤的音樂家，還是一段被藝術耽誤的愛情？故事中有人去爭取所愛嘗試開展新生，有人不惜一切為欣賞的人製造最好的環境發揮技藝，兩者都沒有對錯。而這故事、人設正好融入相當文學的意識，由未來可改變過去，發展到經歷與苦難都係成就藝術的根源，有時痛過回頭再看會有不同看法。可能有些對白講出來會有點外露，可能原著小說文字會表達得更好，但還是十分欣賞。
.
故事安排可能真係有提升空間，但意義如上文所講係感動到我，更加讓人投入的是整部戲落足本絕對養眼。日本、法國、美國取景，數個演奏會場景華麗真實，係用銀彈、心機及堅持去拍。角色亦非常適合福山雅治去演，不是個個演員懂結他，也不是人人可以把古典結他手的形象演繹得那麼優雅具說服力。你可看到他自信、熟悉樂器的一面，親自彈奏散發出來的氣質無人能及。還有，電影內有非常多好聽歌曲，視聽配合呈現都非常令人享受。
.
同場加映：
★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈墮落花〉】迷幻亂倫版黑幫權鬥... Good Try！

 一套戲伏定唔伏，親身試過先知。睇〈墮落花〉，正路都要嘗試理解過導演係咩人，睇過〈G殺〉就知新戲都不會太正路。上回我都幾鍾意，雖然必定有爭議，但我真心喜歡。個人覺得〈墮落花〉拍得不夠〈G殺〉好，可能因為今次沒有使用那帶點取巧的過場技巧去說一個非線性時序扭曲的故事。連接起來看得有點亂，不過仍然是good try，喜見有人嘗試這樣做。一個講吸毒的故仔，迷幻與墮落正好去用不同怪異影像手法去呈現，雖肯定不為所有觀眾接受，效果出來當然亦不及外國大師好，但我絕對明白運用這個方式的用意，有些場面也給人耳目一新的感覺。

演員方面溫碧霞做到角色設定上的要求，是不是影后級另計。角色的確寫到她為一個活在痛苦中沉淪的悲劇人物，頹廢又年華老去的形像算適合温碧霞飾演。而陳漢娜則十分浪費，中段大部份時失蹤，差點忘記了這名角色的存在，未能完全去寫好她與其他角色的關係。最難頂係關智斌，外形上其實幾不錯，我都不去笑他英文差，問題係所有對白都雞仔聲鬧人。他後生時的一般青春片還好，去到認真暗黑片種其實就真係carry唔到，不了。

其實〈墮落花〉算有故事，不只迷幻。我就諗，如果正正常常用一般方式去拍出來，會唔會更好看、更吸引到人入場？正路販毒家族、權鬥、槍戰，改個懶型的片名，肯定大有市場。不過咁，套套一式一樣又無意思，所以都話今次個package係good try，易跟過〈G殺〉。而美術上亦做得幾好，後巷茶餐廳屠殺，貨櫃船混戰打大佬，都好有本地特色又型。係誇張，係漫畫化，但爽喎。你話勁好睇咩，未到，但就真係唔差，可以期待導演下部作品。

★加入狂友fb群組【 #狂氏電影綜合症候群 】
★*// http://bit.ly/32xJWLp //
★直接交流 × 傾講電影有你帶頭！

【#Nj評::〈熱帶雨〉】最平民最日常最文化匯集的新加坡

〈#熱帶雨〉今日上映，個人對這部電影頗為正面。少睇新加坡戲， 或者可能係未睇過，對於該國生活文化少接觸，感覺其實相當新鮮。我們認識新加坡都是定位為香港假想敵，旅遊大多去聖淘沙、Gardens by the Bay等渡假靚景熱點，WestWorld S3走到去取景未來成市模樣，〈熱帶雨〉則展現最平民最日常最文化匯集的一面。




電影的宣傳字句“我要hug你”，聽落怪怪的，但正好反映新加坡語言夾雜中文難精，這至關重要的一句背後有故事性亦有社會性。故事主題是不倫師生戀，開頭講女老師及男學生因中文補課漸增相處。學生愛上良師，老師則婚姻生活不如意亦很大家庭壓力。初段節奏不快，很生活化，未必能立即讓人專注。但當東窗事發，前段鋪排的一切沒有白廢，立刻明白每項安排的用意。又想反抗但亦很渴望的內心都反映在女主角的表情上，金馬獎最佳女主角，絕對受得起。
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評::〈飢俄人妻〉】冇底線大尺度激戰（野戰？）

尋晚睇咗III級外語情慾片〈#飢俄人妻〉，只得82分鐘，零宣傳，攝檔期，我地啲版友都估係爛片。包括我，都係以獵奇心態當去睇下AV咁。不過老老實實，唔係話勁好睇不過唔覺得佢爛，都叫有啲劇情。
.
講主角覺得老公對自己好似無乜性趣，又好似出外偷食，之後自甘墜落反而自己走咗去逢場作興速食小鮮肉。玩上癮，求其上個人架車都可以搞野… 激發咗呢個女人骨子裡嘅性慾。之後發生的事就唔劇透喇，包括面對自己、面對老公、解決問題咁樣，其實都有啲兩性關係嘅題目講出，唔係淨係拍AV咁嘅層次。

性愛場面一定唔夠〈火口的二人〉多，不過我覺得今次呢套係好睇啲，無咁藝術、多份隨性，最緊要女主角更索更靚身材更好，特别養眼。同埋又係Elements 6號院睇，激戰更激，大嘅地方更大…
.
加入狂友fb群組【 #狂氏電影綜合症候群 】
*// http://bit.ly/32xJWLp //
直接交流 × 傾講電影有你起頭！