新〈未來戰士〉經典演員齊齊埋班：真Sarah Connor回歸！

三年前〈未來戰士：創世智能〉票房口碑皆輸，多年後電影版權終於回到原創人占士金馬倫大導演手中，一早放定風想到新故事有意把系列發展下去。大導自己就好唔得閒，忙著搞〈阿凡達〉的續集，新戲會退居監製並把導演一職交給〈死侍〉導演Tim Miller，叫fans放心這將會是〈T2:審判日〉的直接續集，重點經典演員阿諾舒華辛力加與琳達漢密爾頓將會回歸。

說時遲那時快，電影已經進入拍攝階段。61歲的琳達漢密爾頓被外媒影到在片場的最新莎拉·康納造型，角色是人類救世主母親，為兒子生命安危不惜一切的女戰士。片場側拍中看到她貫徹多年前的強悍形像，戴上墨鏡手執短槍，網民都對此大給正評。

預計電影於2019年11月上映。

【#Nj評《侏羅紀世界：迷失國度》】流於表面企圖騙過觀眾是一部有深度的作品

我唔知係個人問題還是怎樣，對上一集《侏羅紀世界》沒什麼好感。唯一喜歡的是馴獸師元素的加入，人類與恐龍之間的正面互動多了，是以前侏羅紀電影沒有的感覺。但特技實在太假（三年前的文章提及這點俾人鬧到爆），光線的詭異完全投入唔到，再加上都只是把公園盡情破壞，冇乜驚喜冇乜料到。今次《迷失國度》把劇情與場景都調得黑暗一些，特技的真實感大有提升係好事。亦看到很多對於《侏羅紀公園》的致敬位，如黃雨衣／雙脊龍像／食山羊／創辦人畫像／舊公園模型／蚊琥珀拐杖／舊版吉普車，這些都讓人看得好興奮。還有最有親切感的暴龍，好似有性一樣，每當危急關頭牠就會衝出來搵嘢食，簡直係人類的好朋友。但可惜，還是把我最憎恨的基因改造變種恐龍橋段著墨加強，係咁話條歷史不存在的兇王迅猛龍幾勁幾勁，你講佢勁過超人咁又點？哥斯拉識射核彈型啲？King Kong係史上最高好勁咩？特別興奮咩？最後的古堡閃避，玩到好似異形，外星人來襲夠哂科幻，恐唔恐龍who cares?

其實呢，一開始頭三份之一講火山爆發，找個藉口讓人類再去島上遷移恐龍是一個絕佳的概念。諗起件事真係幾咁熱血，當中能滲入保育不保育的道德爭議，主角排除萬難都要為理念上島製造創舉，只是這樣的冒險之旅都夠玩一集。又好可惜，火山救恐龍的情節佔電影整體不到一半，雖然拍得還可以（尤其最後親眼見證大部份恐龍再度殞落絕種雷龍哀鳴的畫面夠深刻），樣板式壞人的存在便破壞了整個氣氛。永遠就是要加入弱智壞軍人，瘋狂科學家，變態有錢佬，睇到厭。其實元祖級《侏羅紀公園》成功之處並不是那些奸角那些什麼陰謀詭計，係幾位主角大人細路在恐龍世界歷險，創造一幕又一幕驚險又經典的畫面。

關於電影裡面的思想教化，包括救或唔救？基因改造成武器？人類生命係生命恐龍生命係乜？有無可能共存？之類，在侏羅紀電影系列裡面可能算是新鮮，但表達能力遠遜於其他創作。找來系列元祖主角Dr. Ian Malcolm （Jeff Goldblum飾）在聽證會引入討論當然係劇組的誠意，由他口中表達立場亦夠份量，但一切都點到即止。開始他講完兩句後，主角拯救恐龍的行動便開始，中間已經沒有再有任何辯論或新觀點。直至去到古堡，賣恐龍才有少少嘗試提及道德觀問題，改造變種武器都係為製造驚慄效果多過想表達爭議性思想。刻意安排複製人小朋友，加入身世之謎，亦睇唔出有咩大意義。只能夠慨嘆編劇方向具野心，但討論未能滲入情節，只有流於表面企圖騙過觀眾這是一部有意思的作品。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評《給我一個道歉》】最佳外語片提名實至名歸

本片獲奧斯卡最佳外語片提名加持 (反而《公義暗角》得金球獎最佳外語片及康城最佳女主角未能令我認同理解)，實至名歸。一件非常非常小的爭執發展至全國性民族衝突，破裂久久不能修補的種族關係。一開頭可能觀眾會對黎巴嫩內戰特别的宗教及社會背景感到難以理解，假如先對這個國家有少少資料搜集會更好投入。故事發展因多次衝口而出而惡化，亦發現中間憤怒起源涉及到影響畢生的種族清洗傷口。

.
電影把反戰和平信息拍得到位，小事化國事的過程配合現實問題加以深化，没有為戲劇性特意忠奸分嶺。兩位主角各有不是，沒有絕對優勢，二人都無意把事件發展為政治角力平台但偏偏被不同陣型上綱上線，他們在官司外的關係發展令人意想不到。
.
電影成功把嚴肅議題拍成易入口法庭片，吸引觀眾注視事態發展，配合多位實力演員把事主被告律師法庭民眾的關係細膩演出，比很多商業味濃的荷里活電影更高質素。
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

免費睇HBO神劇West World第二季／新服務Now E無合約新睇法

其實即使唔係有呢個活動，我本來都打算介紹下呢個新服務俾大家：早幾個禮拜now E發佈，你可以當係OTT版Now，有app有盒子，新玩法係買一個月睇一個月無合約，更重要係新用户有一個月免費試睇綜合娛樂組合，有著數緊係衝埋去拎咗先，香港人特色😏

試玩都包勁多片源真係有唔少野睇，HBO Go(大片美劇最hit當然係West World S2)、now爆谷(精選亞洲電影)、viu(跟得好貼韓劇)、MOVIE MOVIE(大量安樂引入外地電影)。一個app任何地方睇晒電影劇集（仲有體育e.g.世界盃😍留意返另外收費）俾唔俾錢繼續用就後話，免費試下無妨

講返個launch event，第一次受邀出席呢類活動，好好玩～ 有野食，有足球九宮格遊戲，有silent room體驗區，現場試玩Now E app，精美設計拍照區，仲有個霓虹燈工作坊，扭到手都無晒力😂 多謝返 she.com Now E 邀請

有興趣請到 https://www.nowe.hk/ 了解更多

.

#NowE #EasyEntertainmentEverywhere #我獨樂E一種快樂