《 # 最後的食譜 》特別放映，終於上畫可以講一下。話說我就無睇過原著，淨係睇電影其實感覺都唔錯，唔可以話精彩到爆，但故事係好完整，出場人物每個都好夠戲份幾有意思。 . 日本的手藝敬業題材往往得到無限發揮，整麵包、沖咖啡、做學生飯盒都可以拍出一部又一部劇集甚至動畫，最慘係通常又真係幾好睇。今次講料理，研發帝王級日版滿漢全席，你可以想像到故事又係走唔出甚麼『愛』『親情』『友誼』成就美味佳肴之類，所以好似神秘的謎團其實睇到中間都唔難估到。 . 我覺得呢套戲最正的地方係，創作人好清楚觀眾在過程中的感受，亦即係腦中不禁冒出的「喂呀好老土呀」。神奇在當你這樣想時，在追查真相途中都真係會把「又係愛之料理？」「搞咁大場大龍鳳就係想講呢啲？」透過男主角把口講出來，突然覺得好中好到肉，令大家好立體地理解到男主角的反叛性格，為結局轉變作襯托又為故事添加了不少趣味。《禮儀師之奏鳴曲》導演瀧田洋二郎操刀，都係信心保證來的。
. *追蹤instagram【 madman.movie 】有你著數！ *// https://www.instagram.com/madman.movie/ // * *讚好專頁【 電影狂人-影評情報交流平台 】緊貼最新電影資訊！*** －－－－－－－－－－－－－－－－－－ ░電影資訊 ░獨家影評 ░幕後製作 ░戲院優惠 Fb專頁【 電影狂人-影評情報交流平台 】 http://www.fb.com/MovieMadMan
係命運唔俾面《大樂師.為愛配樂》，受到各大院線冷待白 白令一部好片被無奈埋沒。睇完套戲我諗唔難肯定電影質素 ，即使未去到最好但絕對係見得人甚至有驚喜。淨係講牌面 ，裡面用的演員大家都識，幾位都公認係近年香港電影的清 泉支柱。暴龍哥鄭中基話晒都係最佳男配角，個人形像達過 去多年高峰，這部電影更加為他洗底話俾人知佢唔止搞笑唔 止鄉音。顏卓靈咁靚女咁得意，《狂舞派》紅到個個都識， 點解吸引唔到人入場？白只又係唔洗講，另一最佳男配角助 陣，又冇支持誘因？黑仔姜皓文夠親切啦，過去兩年套套港 產片都有佢頂住，今年仲係最佳男配角大熱，個個都話撐佢 又唔見真係有人入場撐佢拍的電影？我諗唔通，《大樂師》 死因不明，我唔忿氣。 . 我個人係非常之欣賞這部電影，可能係近幾個月睇過最好睇 的幾部電影之一。唔係淨係港產片，係連同西片一齊計都有 得贏！我完全唔覺得要定性什麼本 土電影定係港產片，我欣賞《大樂師》時沒有因為它是香港 製作而調低標準。某已上岸動作巨星話本土電影無運行，我 可以話《大樂師》正正就係可以突破地劃界限的一部片，裡 面沒有特別賣弄的香港情懷，外國人都會睇得明都可以樂在 其中。我又唔會好老土咁話「音樂」這回事無疆界，始終技 巧上有人拍得屎有人拍得動人，而《大樂師》絕對係後者。 一部電影賣音樂創作概念，集合綁架動作，離地水上生活， 兄弟胡鬧輕鬆搞笑，感覺其實有少少超現實，成功地組成一 個好笑有趣又感人有意義的故事，適合各背景喜好的朋友， 主題曲貫穿電影助注入靈魂，金培達原創歌曲《沒聽過的歌 》雖然loop完又loop，但係睇住這首歌慢慢在劇情 進行當中建構，浸淫在自然環境下為空泛未寫好的旋律豐富 補完配上歌詞，資源緊絀下試錄demo再登上表演台，每 部分都見證著兩位主角關係的提升，進入因音樂而成的世界 遇見對方欣賞對方，一份溫暖湧上心頭。除了原創歌曲，電 影還投放大量時間在魚排屋拍攝，佈景道具做得精緻不馬虎 ，爛鋼琴爛得有美感，最後一幕更為船屋增添意象，只看心 思已經值得入場。這部戲令我好滿足又窩心咁離場絕不簡單 ，演員切合角色交到功課配搭有火花，故事完整有意思拍出 來有驚喜，但偏偏沒有得到足夠戲院足夠觀眾支持，你話我 https://www.instagram.com/ 電影狂人-影評情報交流平台 】緊貼最新電影資訊！***http://www.fb.com/
呢套戲純粹賣技術，戰爭片動作其實拍得ok
林超賢係個香港導演，雖然話都靠向大陸一段時間 掌握到唔同大型戰爭場面係幾犀利，當然解放軍肯定幫好多 佢以前的電影我唔熟，近十年留意到《証人》《激戰》之類都算好高評價 但去到大陸主導的《破風》《湄公河行動》又係麻麻地 《逆戰》我有睇，當時完全唔明點解有人係咁讚 賣點係得謝霆鋒同周杰倫，係打到好勁 但講到約旦馬來西亞咁又出飛機坦克車大炮恐怖分子致命病毒我投入唔到 所謂母子情完全感動唔到我 學成龍話齋我呢啲思想完全係唔夠『國際性』不能『走出去』 到今次，佢講個故事關於國家派軍隊去幫手撤僑我接受 大家都知講來講去都係俾機會解放軍展示軍備塑造無敵形象，算啦入得場預咗 海陸空乜場面都拍晒，俾我就留返一半撒手鐧下部戲先用 但套戲整體來說我唔會俾高分 純技術補救唔到零劇情，而本人幾重視故事 著陸後首幾場十字街頭大戰及被伏擊，係打到好勁 但係，快到我跟唔到，係咁砰砰砰好似做咗好多嘢，但唔係好知打緊咩 反而中途出現拆彈及狙擊手互瞄，節奏停下來就感覺到個氣氛，即刻有感覺 真正要話心情完整進入套戲，要數到殺入敵陣救人一段 打得勁玩得耐係好嘢，最緊要係終於叫做有少少部署 唔似得前段所有嘢都好突發就咁打來打去 但係救人部署個終極bug就係，一班中國人包住個頭就可以扮阿拉伯... 無可否認畫面上呢一段加上緊接的坦克車大戰都係好睇嘅 又講返故事，一隊人人物關係冇乜，係兩條相較比較突出當點綴下 其餘約十位主角，我完全認唔出樣呀！！ 個個軍人剷青，係幾難認喎... 仲有唔少好刻意賣弄氣概又白痴的對白...例如... 長官：前面係鄰國水域，你哋唔可以再繼續前進 下屬：唔得！！！他們殺了人，我們一定要緝拿不能放走！！！！！ （極大聲+普通話－自己想像） 長官：好啦你去啦，記住前面係鄰國水域你哋唔可以再繼續前進... 呢段對話好似好man好世界警察好有公義 但其實好無聊好廢，聽到都打冷震 仲有國旗隨處出現，大媽扯旗歡迎解放軍是常識... 手臂上『蛟龍突擊隊』徽章隔離的國旗又當然唔少得啦 最恐怖還是一班人部隊出動式慢鏡向住鏡頭跑 老土程度係十粒星反晒白眼 . *追蹤instagram【 madman.movie 】有你著數！ *// https://www.instagram.com/madman.movie/ // * *讚好專頁【 電影狂人-影評情報交流平台 】緊貼最新電影資訊！*** －－－－－－－－－－－－－－－－－－ ░電影資訊 ░獨家影評 ░幕後製作 ░戲院優惠 Fb專頁【 電影狂人-影評情報交流平台 】 http://www.fb.com/MovieMadMan
Marvel電影宇宙終極大奸角Thanos的無限手套要儲齊六粒無限寶石便可發揮稱霸強大力量，《復仇者聯盟3－無限之戰》將會是他收集寶石的故事。過去10年間不同Marvel電影中透露了其中五粒的所在之處，包括空間、時間、力量、心靈以及現實寶石，而近來網上一張新釋出的宣傳圖似乎透露了最後一粒無限寶石－靈魂寶石－其實位於... Tony Stark身體之內。 粉絲瘋狂找證據，最大線索追溯至《鐵甲奇俠2》。劇情中Tony爸爸Howard Stark在影片中告訴他：『 What is and always will be my greatest creation, is you. 』。對話裡提到Tony是Howard的最大創造，似乎代表他用方法把靈魂寶石轉化成Tony。 VIDEO 另一論證是Howard在年紀很大才有小朋友，他是個把一生貢獻給工作又對家庭缺乏興趣的人，在高齡決定要小孩並不合理，所以Tony有機會是他的"作品"多於真實兒子。而在《復仇者聯盟1》有場戲Tony在復仇者大廈單挑Loki，Loki的權杖並不能穿透或思想控制Tony，代表他身體構造並不簡單。
有留意開我都發覺小弟一向少提頒獎禮，更唔會作任何預測，主要係因為未睇晒所有入圍電影我覺得自己根本無資格講。不過其實頒獎禮都係for fun，大家都知道奧斯卡有佢一套得獎法則，得獎結果都係為電影界帶來一星期的話題，大家開心。既然係咁，我不如而家講下我欣賞過的入圍電影，感受就有少少，比較就免喇。 .
九部入圍最佳電影，我看過五部。先講《鄧寇克大行動》，雖然Nolan作品得獎將會係超大新聞眾人皆喜，不過我唔認為這是極級出眾之作，感覺似其他導演都可以拍出的水準。《訪·嚇》其實都幾好睇，一路有少少線索滲出來，維持到懸疑感令人心寒，係去到穿橋至結局一段就比較一般，我諗唔會得獎吧？不過一點好緊要，黑人議題係關鍵，議題可帶來無限光環，對選情有絕大幫助！另一議題主導電影有《戰雲密報》，話就話史實但明顯就借刀寸美國總統特朗普，黃金組合拍得穩打穩紮，唔夠一年籌備好似仲正過其他史匹堡近年作品，但個人又唔認為係絕佳之作，希望唔會又因議題改寫歷史。《黑暗時刻》就拍得好正，男主角絕對足夠資格奪得（有資格但未知其他對手如何），多得之前有《鄧寇克大行動》幫手打底看得特別入神，但政治戲種來說略嫌格局未夠大，有些位差少少未夠盡。最後講《廣告牌殺人事件》，認為非常合本人口味，劇本設計一流，小鎮個個都痴線，以為Woody Harrelson會有主角光環點知中途...但係任務未完繼續貫穿人物，每人發狂有理但轉變亦有理，置諸死地而後生，睇到個人最後好舒服溫馨嗒落有味道，係我好希望得獎的電影。
. *讚好專頁【 @電影狂人-影評情報交流平台 】緊貼最新電影資訊！*** －－－－－－－－－－－－－－－－－－ ░電影資訊 ░獨家影評 ░幕後製作 ░戲院優惠 Fb專頁【 電影狂人-影評情報交流平台 】 http://www.fb.com/MovieMadMan
