×劇評×【《行屍》The Walking Dead】第8季第1集

估唔到早兩日隨意講開The Walking Dead收視下跌嘅消息，引來咁多美劇同好加入討論。到今日我就打算講下睇完The Walking Dead第8季第1集，我究竟有幾失望。

上一季在扑爆主角頭後開始直插谷底，不停講佢地好down好無助好慘，好啦叫做終於振作，點知最後又俾班垃圾佬跣鑊金，結果就在唔知進展過啲咩嘅情況下完結。

都算，等咁耐理論上今集應該真係開波喇喎… 係呀，領袖們例牌發表動人演說完畢後出發直踩敵陣，去到見到條仆街Negan走出嚟無遮無擋竟然仲同佢慢慢傾計，Rick唔出手Maggie都忍唔住啦下話？之後Gregory出黎玩心理戰，失敗咗竟然好漫畫式咁一腳伸佢落樓梯… 笑死我！大佬好老土呀呢啲奸人行為，直頭要係佢頭上面鑿住『我是壞人』四個大字，按情理咁冷血班人見佢無利用價値就直接爆佢頭養少個人，至少觀眾可以過下癮啦。原來咁反常理嘅行為係伏線嚟既，以為個神父終於做返個男子漢，點知又婦人之仁走去救Gregory又"唔小心"令自己身陷險境，究竟係邊個諗埋呢啲唔合情理揾戲做拖劇情嘅橋段…

上季完結，劇組派人出來叫大家放心，話今季會好緊湊... 但暫時嚟睇我淨係睇到一啲強行製造出來嘅緊湊，我淨係怪班角色做乜咁蠢咁低能，完全無為佢哋緊張過... 今集好似好多爆破呀... 但係全部都係開槍射空氣，子彈好似無限咁多，敵人就唔見有損傷... 我睇唔透。講到好似好有計謀，咪又係引啲喪屍去敵人度，以前出現過好多次唔使講足半集嘅。要數到以前令人心跳加速嘅大戰，有Governor大破監獄，再勁啲就係阿婆一個人打爆Terminus，經典經典。

今集咁扮嘢，擺明就係留一手，之後一定有更勁嘅衝突。睇下又開始出現啲失落表情大特寫，又有啲夢境定天堂畫面，又想留"伏線"叫你追落去就知會有咩大事發生。不過唔好意思，我淨係覺得加呢啲落去好奇怪，令到首集欠缺完整，吸引唔到我。講咁多，我下集都係會繼續睇...

*讚好專頁【 電影狂人-影評情報交流平台​ 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
*追蹤instagram【 madman.movie 】有你著數！
*// https://www.instagram.com/madman.movie/ //

《The Walking Dead》第八季首集收視跌至5年新低

唉...睇到呢啲新聞真心覺得唏噓，話晒阿叔我都追睇咗好多年呢套劇，好有感情。不過又真係唔怪得觀眾嘅離棄，因為我自己都覺得越來越唔好睇。當日泡菜仔Glenn被爆頭之後，好多fans傷心過度即時放棄唔睇以表不滿，令到第七季往後收視大跌。加上整個第七季劇本都好無聊，設計過份恭整預料之內，頭半講屈辱後半講覺醒，基本上第八季低開係意料中事，結果收視真係大跌43%。我個人就好頂唔順Negan呢個奸角，太變態又chok，面對佢嗰種無力感就好似現實生活咁俾當權者瘋狂強姦，我真係唔想再係娛樂裡面再多感受... 至於第八季首集我點睇？下篇再講。

Season 1 - 6.9 百萬觀看 (4.8 million adults 18-49)
Season 2 - 9.5 百萬觀看 (6.6 million adults 18-49)
Season 3 - 14.4 百萬觀看 (9.6 million adults 18-49)
Season 4 - 18.4 百萬觀看 (12.2 million adults 18-49)
Season 5 - 20.1 百萬觀看 (13.3 million adults 18-49)
Season 6 - 18.9 百萬觀看 (12.1 million adults 18-49)
Season 7 - 16.4 百萬觀看 (10.3 million adults 18-49)
Season 8 - 11.4 百萬觀看 (6.5 million adults 18-49)

【#Nj評《珍槍復仇》】危機當前的動地驚天愛戀過

兩星期前收到香港藝術中心邀請參加《珍槍復仇（Jane Got A Gun）》的特別放映，基於我完全唔知係咩戲，就即刻Google一下，發覺原來係陳年2016年頭的電影。雖然我當堂嚇一跳（補充說明：現在是2017年尾），但係看見有個亮點都幾吸引我入場。演員陣容原來都幾強大：一，Natalie Portman，超級靚女影后。二，Ewan McGregor，唔知點講總之我好鍾意。他們兩個有咩關係呀？就係阿叔我當年深深著迷的《星戰前傳三部曲》老拍檔！曾經Obiwan誓死保護變節愛徒老婆Padme，今天舉槍相向你死我亡感覺格外有意思。

西部背景的電影，特別順眼。有火舞黃沙場景，有騎馬，有左輪手槍，有牛仔帽，型爆喎。不過其實個故事就同西部關係連結不算大，純粹營造了一個環境，角色們可以盡情開槍殺人，販賣人口，江湖追殺令，配合時代讓劇情得以合理發展。講返件事就亦都係非常簡單，女主角搵人打救被仇殺的老公（加埋自己），搵著前度幫拖期間終於有機會抒發埋藏心底的說話。充滿誤會與痛苦的一段三角關係就在一個驚險的晚上，在小屋內講清講楚，只係差著個主持吳璟儁。有時候有啲嘢，真係有危先有機，明明本來差啲命仔都無埋，最後又拯救了一段關係一個生命。不過可惜的就係，飾演大奸角的McGregor，可以發揮的機會十分少，貼上兩撇假鬚後都好難認到係佢。正常嘅，真正主角係Natalie Portman嘛，Ewan McGregor的存在就是被她痛快槍爆。
.
70分
文： Nj
.
多謝 @golden scene @hong kong arts centre 邀請參加特別場
*
*讚好專頁【 電影狂人-影評情報交流平台​ 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
.
*追蹤instagram【 madman.movie 】有你著數！
*// https://www.instagram.com/madman.movie/ //

前蝙蝠俠Christian Bale超敬業，為拍戲身形大變搓圓撳扁唔錫身！

荷里活娛樂圈近月因名監製的性醜聞彌漫著負面氣氛，Christian Bale的身形大變敬業正能量終於帶來新氣象！

前蝙蝠俠Christian Bale出名對自己演出有要求，拍戲時脾氣就好多時麻麻（藝術家嘛...），仲有就係佢會好唔錫身咁大幅度增肥減肥去配合角色。 最近荷里活講得最勁其中就係一張片場的側拍照，相裡面個頭漲到成個大叔咁款嘅原來係Bale! 佢今次扮演美國前副總統Dick Cheney，喬治布殊年代第46任副總統。

Bale的體型變化已經唔止一次成為熱話，2004年曾經為拍攝《Machinist》大減30kg得番棚骨，其後拍《蝙蝠俠》增加15kg肌肉最fit最靚仔，再為《擊情手足》減磅，早幾年又為《騙海豪情》變肥佬... 不要再說了諗起都覺得好唔健康。。。

真。Cheney

【#Nj評《風河谷謀殺案》】諗住當《福爾摩斯》去睇，點知...

有時候電影名真係唔可以亂改，《風河谷謀殺案》其實真係改得無錯，故事的確在風河谷發生，亦都因一宗謀殺案展開，但給人對電影類型一個錯誤的期盼。當我知道戲名看完故事簡介，當然就諗住去看看這宗兇案如何難搞如何在冰天雪地裏發揮得引人入勝，我認呀，我真係當《Sherlock》咁去期待㗎！好可惜，最後發現原來殺人事件不是主菜，可以話件事本身就簡單到不得了，根本冇乜陰謀。講講下就好似香港的《踏血尋梅》，隱藏的是相關角色在那個環境下承受的壓力痛楚，說也說不清。
.
好聽講劇本是簡潔，低層次感受就係無乜內容。好似頭先所講，案件其實好簡單，跟了一兩條線索便到終點。其實30分鐘就可以完結整部電影，但拍出來就超過了100分鐘。思前想後究竟多出來這70分鐘我看了什麼，唔怕劇透話你聽，係大量好靜態的雪景配上角色們化身white walkers慢慢行。當然呢刻你好想反駁我話這些叫詩意啦，更配合電影主題的孤寂氣氛。我認同，不過精神上都係喜歡多少少內容的故事，氣氛未必要透過這種方式去營造。看了一些網上其他人的正評，有人話雪地飛車夠動感刺激，又有人話查案過程驚險緊張，我心諗我係唔係睇漏了什麼... 完全未能同意。
.
既然謀殺案無料到，導演就當然有另一些更重要訊息要帶出。差不多每位出場的角色都有話要說，男女主角，受害者家人，兇手，警察，他們言談間都道出了這個偏遠地區的沉悶和絕望。安置印第安人的風河谷，就好似被人遺棄，沒有未來。同一個國家，這裡卻像第三世界，得不到政府的足夠支援，人民好像都沒有什麼價值。整部電影就是基於這些思想去拼湊連成一體，所以結果出來就顯得故事毫不重要，甚至太為主旋律服務感覺堆砌。
.
65分
文： Nj
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台​ 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan

【#Nj評《烈焰雄心》】好好的通識教材，教育電視播放就Perfect池

正值美國加州大火造成40人死亡，來到這兩天才剛受控，看《烈焰雄心》格外有感覺。身處香港的我們真係好難理解猛烈山火可以怎樣大規模摧毀一個城鎮，無數人的家園。這次跟常看的消防員電影不同，故事不是發生在危機處處充滿濃煙的密室，而是距離我們有點遙遠的野外。稍微看過簡介都知道結局，賣的不是消防英雄用體力智力成功突破重重難關撲滅大火，電影為這消防隊留下歷史紀錄，把他們的故事告訴世界更多人。

老實講，這部電影的步伐非常非常非常平淡，格調不是本人杯茶，至少未去到期待中的熱血。相信好多人不覺意地把日常對消防員的敬意投放落電影之上，無論拍得如何都正評無誤。但我認為要以電影角度去分析的話，錯誤投射電影成品以外的感情是不公，攪亂了看電影、紀錄片或現實。文戲佔《烈焰雄心》大部份時間，好平實地把消防隊升格成精英隊的過程拍出來。但是這個過程可能太跟事實呈現關係，當中情節沒有十分豐富。我未領略到升格精英隊的高難道，訓練過程付出的艱苦，第二男主角突然生性病母倍感安慰的考消防動機，表現起來就好似順風順水理所當然。重量文戲其實都可以拍得好有層次，但我會形容隊員間的默契關係其實未夠深刻，對白沒有多少思考價值。呈現事實的背後亦強行為維持戲劇性添加了少少家庭壓力掙扎，但出來好似效果平淡又有點無謂。

反而我幾認為《烈焰雄心》係一份好好的通識教材，充滿教育意義。首先我們理解到香港這個城市以外，美國的消防系統編製之不同。細細個讀中學讀地理科，有講到關於火燒森林的好與壞，畫面呈現出來格外有啟發性。關於撲救森林大火，方法不只於日常聽到的用水用泡沫，而會透過斬樹防止擴散甚至反用火攻，感覺有趣亦學到好多嘢。森林山火清明全日報導，八仙嶺燒死過人小時都聽過，畫面呈現的大火擴散之快及兇猛有賴出色又真實的特技。

雖然電影平實欠戲劇性，但都不乏感人位。電影中看見他們為緊急自救反覆練習多次，最終大火燒到一刻掀起高潮，尤其當你知道電影主角們在現實的結局，係會特別投入感情。男主角Josh Brolin的演出不錯，散發實幹成熟具使命感，但每當我看見他還是浮現出《復仇者聯盟》的Thanos及《死侍2》的Cable樣子... 反而另一男主角Miles Teller得不到具說服力的角色描寫，演出來前後不一致，角色轉變欠順暢。電影不妨一看，但切記要先調整好心態。
.
70分
文： Nj
.
多謝 @電影圈 @安樂影片 邀請參加特別場
.
*追蹤instagram【 madman.movie 】有你著數！
*// https://www.instagram.com/madman.movie/ //
*
*讚好專頁【 電影狂人-影評情報交流平台​ 】緊貼最新電影資訊！***
－－－－－－－－－－－－－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan