Nj評 《屍殺列車》－結局去得夠盡

上篇講過《屍殺列車》4DX獨特體驗，今篇會講講電影究竟有幾成功。基本上，喪屍類電影已經太多所有橋段都玩到盡，美劇《The Walking Dead》共6季裏多種末日後的人性黑暗面都拍過出來，所以話《屍殺列車》這方面特別突出我不太認同。反而電影勝在夠癲夠盡，劇情發展沒有為拍續集作出妥協，實行來一場冚家剷把主角一個一個殺死，成功不斷刺激觀眾淚腺留下深刻印象。

睇戲，最忌睇完都唔記得。冚家剷的結局最型，型到好難忘記，多個角色都死得好有價值。俾著荷李活，心諗一定係搵錢特技大片，光環下配角戰死主角一定留番條命去到終點站，下集再打過。今次無，反而開始睇到對班角色有感情期待他們如何逃出生天的時候，導演就狠下殺手逐個賜死。短篇幅下成功為第二男主角製造暖男形象，再突然爆衫變大隻佬救全家，戰死前大叫一早改好的女兒名字，整個轉變乾淨利落又型又感人。兩小無猜有索女同小鮮肉為電影一大清泉，可惜死得太突發，一個死完到另一個都完全未能趕及反應，不過真係刺激到觀眾好憎好憎個自私阿叔。

電影出現好多角色，要短時間内一一突顯性格不容易，但電影能如上文所述把角色的內心轉變寫得很清脆沒有過多無謂枝節。最喜歡一段插曲，發錢寒的男主角剛剛大戰完喪屍險死，接到同事電話驚作錯決定驚緊份工同錢無晒，但男主角表現好冷靜不甚關心。這情節發生的時刻剛剛好，反映一個驚歷過生死的人如何不再在乎身外物。電影不只描寫一些曾經墮落的人如何得到救贖，還有把一個原本的好人變黑。那個着住制服的車廂服務員，曾經於危難時仍嘗試努力救人，當被說服決定下令開車唔等人一刻，只有越變越醜惡返唔到轉頭。

你只想不用腦睇一套喪屍片時，《屍殺列車》都無失禮。在狹窄車卡內玩出喪屍片少有的災難橋段，每卡列車等於一關又一關，每關的喪屍有不同打法，打完可以在廁所位稍為緩衝一下。而喪屍的設定又充滿趣味，不懂開門靠視覺找獵物等，都是故事人物闖關成功的原因。屍變過程又是設計獨特，製作組找來舞蹈老師來設計這一套喪屍動作。睇睇下，我不禁懷疑喪屍動作的原型係雞。

80分

文：Nj

－－－－－－

《屍殺列車》4DX初體驗
連結： http://bit.ly/2bCnHsw
－－－－－－
░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
▲歡迎影評投稿－分享交流！
－－－－－－

Nj評《自殺特工：超能暴隊》－收貨啦邊有咁差

寫文之時，《Suicide Squad》於Rotten Tomatoes仍然得26%。我帶著零期望入場（一半俾BvS嚇親一半俾劣評嚇親），睇完覺得ok喎，無其他人講到咁差。好多人用《Deadpool》比較，我個人幾奇怪，覺得《Deadpool》有些地方幾好笑外其實主劇情一般，反而《Suicide Squad》玩得還更有趣。來到這裡，繼續評論漫畫改編電影便很需要利益申報，非DC非Marvel迷，從未睇過漫畫，曾經大力踩過《Batman v Superman》，曾經大力讚過《美國隊長3》。這次我讚DC作品，應該無可疑。

事前睇到評論差成咁，入場前已經諗好影評標題要包括叫DC『收手』，最後發覺比預期中好，想幫手平反而一字之差改成『收貨』。好多人形容電影有形無神，我就未睇過原著真係唔知應有神髓係點，電影俾幾多我就接受幾多。爛番茄大力劣評的似乎好多是DC fans，最後另一批DC fans又好想反擊就要求杯葛關閉爛番茄。有時真係無辦法，這電影天生係有缺憾，不像Marvel般每個角色都有獨立電影去支撐。一套戲咁多角色實係兩頭不討好，一係太重點兩三角色忽略其他，一係全部都忽略，我意見是依家算係平衡得好。純動作又會俾人話冇意思無感情，加深每角情感又話惡人唔夠惡，班壞人主角背後故事如果可以勉強成為組隊原因其實都無壞，係無啦啦行入酒吧談心真係幾兀突。

個劇情都ok啦，成套戲最惡的黑鬼婆控制貞子幫自己，順便集結埋其他奇人，點知貞子失控搞鑊大單嘢，黑鬼婆唔係叫班人打救世界而係救自己，又頸植炸彈講明如果軍佬死就一鑊熟，一直打打打打到黑鬼婆都唔見埋軍佬先講原來大佬貞子係自己女友，跪求各位幫手，咁佢地嬲嬲地就去咗談心做fd交換facebook，最後都係幫手砰砰砰打勝仗，貞子還魂回歸軍老懷抱。其實劇情都幾順暢，黑吃黑吃黑，大部分動機邏輯勉強解釋到（呢啲戲我真係唔要求太多邏輯，勉強就得）。唯一入酒吧懺悔，真係令人發笑。仲有一些解釋劇情係好破碎，例如軍佬落地鐵放炸彈又唔知點樣被貞子背叛，黑鬼婆好似有陰謀又好似唔係。加上最為人詬病的奸角太弱，明明差不多毀滅整個世界但輕易被Suicide Squad打敗。飛機火箭炮導彈都射不死奸角大哥，偏偏一個埋在下層的炸彈能夠解決。軍隊用槍射不死變種士兵，Deadshot可以，即使是棒球棒都可以。不過，算啦，我覺得冇乜所謂，睇得開心就得。

角色方面，係，我認描寫可以更詳細，不過趕時間下簡化版背景描述都睇得算投入。終於明白Will Smith點解終於肯出山再拍呢類型電影（佢連代表作《天煞》續集都唔拍），因為，原來Deadshot角色真係好Will Smith，親子，慈父。睇番Will Smith近年作品《The Pursuit of Happiness 》《After Earth》，就明佢鍾意揀邊類戲拍了。Deadshot係大奸人殺手？忘記佢啦，好爸爸來的。小丑女與小丑，這一pair我睇得好入神。小丑女學咗小丑乜都係玩笑乜都唔怕亂講嘢，佢出去當呼吸下空氣等愛人營救好合理。而小丑，現階段好難評論演得好還是壞，因為片段實在太散，佢今次都係作為配角幫補下副線劇情。未來需要勁揪編劇為小丑寫下詳細劇本，才知道新MK風格小丑有沒有善用好演員。至少，見到兩個癲人走埋一齊，好有愛。火佬超越我預期，事前我諗呢個人咁大能力可以搶過其他角色。不過設定上有落心思，講佢已經悔過內疚死都唔肯出招，就有機會俾其他幾位主角演嘢，到最後關頭犧牲自己打大佬效果都算幾理想。鱷魚佬，其實佢好慘喎，天生皮膚病就俾人捉咗，咁樣俾人折磨法你都想打人殺人啦。至於迴力鏢隊長，算啦，出下口術玩下航拍機，讓死敵閃電俠有得出場。日本妹，唔係好知做什麼，不如連僅有少少背景都唔洗講，無啦啦影佢對住把愛刀喊其實幾毒。貞子，好正，話緊佢玩魔法果時，隻手好似痙攣。

其實真係冇乜嘢挑剔，我要求已經降到最低，大把戲仲亂龍過佢我唔會淨係針對佢嘅。有明星睇，有蝙蝠俠閃電俠，有勁歌靚畫面，睇呢啲戲夠爽咪得囉，反正我又冇漫畫包袱。

70分

文：Nj

－－－－－－－－－－－－－－

░電影資訊 ░獨家影評 ░幕後製作 ░戲院優惠
Fb專頁【 電影狂人-影評情報交流平台 】
http://www.fb.com/MovieMadMan
▲歡迎影評投稿－分享交流！
－－－－－－－－－－－－－－

# 評 #《下女誘罪》

◼︎◼︎朴贊郁導演，實在唔敢評，尤其上網睇過很多望落非常有深度的觀後感。我普通廢觀眾一個，自問唔識睇太多隱藏意思，即時睇完人分析都唔明。基本上點評都係死，容許得罪講一句，雖然我覺得都幾好睇，不過又未去到超驚喜錯過一定後悔的程度。

◼︎◼︎當中戲服場景製作最令人深刻，很多畫面都靚得令人深刻。故事其實都很難說是太意想不到，的確有至少兩個大轉折位，不過相信觀眾其實都會有備而來時刻於劇情中找線索，結果不難估到。故事分三節，